جاد شويري في مرمى النيران بعد طرحه كليب أغنية «الصيت» (صور)
أخبارها سوشيال ميديا| «بحب واحد متزوج».. والتعليقات: «خرابة بيوت وسرقتي الراجل»
السبت 19/فبراير/2022 - 11:33 م
ساندي جرجس
ناقشت إحدى النساء مشكلتها على موقع التواصل الاجتماعي "فيس بوك"، والتي كانت بخصوص علاقتها مع رجل متزوج والرغبة في الزواج منه، ما جعلها تتعرض لانتقادات لاذعة وسخرية لرغبتها في هدم منزل وخطف رجل من زوجته وأولاده.
وقالت تلك المرأة في منشورها: «أنا بحب رجل متزوج وعايزني زوجة ثانية على مراته وأطفاله وقالي كل حقوقك محفوظه أقبل ولا والأمر بسيط ومش معقد ولا فيه إهانة ليا ولو زوجته الأولى مش راضيه علي الجوازة ممكن متمشيش الجوازة وهل في إهانة في الموضوع ويعيب الزوج من زواجه بزوجة تانية أو أعيب أنا بزواجي من متزوج قبلي عايزه مساعده والأمر سهل ولا صعب وفعلا الرجل اللي متجوز وبينه وبين مراته عشرة وأطفال وبيقول ما فيش حب غير عادي حب عشرة هو صادق وبيحبني بجد ولا بيضحك عليا أنا باسم الحب وهل فعلا صادق اقتنع وأثق فيه وفعلا بيحبني لأن بحبه ومش عارفه أفكر خايفه ساعدوني بالنصيحة».
وكانت التعليقات كالآتي:
قالت سمر: «يكفي إني أقولك خرابة بيوت واخدتي حق مش حقك وسرقتي راجل من بيته وأولاده وحسبي الله ونعم الوكيل فيكي وفي كل واحده تعمل كدا».
وعلقت نوال قائلة: «ربنا يرحمنا برحمته ضاقت بيكى الدنيا تحبى راجل متجوز وليه أولاد وتخربى بيت عمران وكده كده هيرجع لبيته وأولاده بعد فوات الاوان وتشريد الأطفال وبد نوة متخاص يىجع ندمان على عشرة السنين».
وقالت منى: «انك تحبي راجل متزوج ده يعتبر سرقة خلاص ضاقت بك الدنيا مفيش رجالة خالية اتقي ربنا في نفسك ولا تخربي بيت زوجية وتشريد أطفال حتى لو قعدتي بدون زواج ودي نزوة من زوج عديم الإحساس بالمسؤولية وربنا يصلح الأحوال ويهدينا جميعا يارب».
وعلقت أمينة قائلة: «يعني انتي خلصَوا الرجالة السنجل محبتيش غير متجوز وعنده أطفال وكان مرتاح لازم تدخلي تخربي بيت وتقولي بحبه ما انتي عارفه انه متجوز متدخليش حياته اصلا».
وقالت نادية: «حبيبتي لو هما عايشين مع بعض في بيت واحد يبقى ده رجل هيتزوجك نزوة ورغبة وبعد ذالك هيرجع لبيته ويعرف أنه أخطأ في حق زوجته وأولاده ويتركك تبكي على حالك».
وعلقت سهام: «وأنتِ ليه تحبى واحد من حق واحدة تانية هى وأولادها اللى ملوش خير فى أول نصيبه وعشرتها ملوش خير فى حد تانى واللى بهون عليه بيته وأسرته تهون عليه اى حاجة تانية مهما كان متعلق بالجديدة ع تاخد وقتها ويزه منها ويحن للعشرة الأولى والنصيب الأول وأولاده حرام عليكى سبيه لأسرته وانتى ربنا يكرمك ويعطكى واحد لكى لوحدك ويسعدك حسبنا الله ونعم الوكيل».
اقرأ أيضًا..
بينما قالت جنى: «وتقهرى مراته ليه جوازة فاشلة وعلى انقاض زوجة تانية اتقو الله وايه ذنب الاولاد بتحبيه ولابيحبك فى ضحايا زوجة واولاد وانتى مش اد حسبى الله ونعم الوكيل».
وعلقت شيماء: «بكره انتى كمان يحبك حب عشرة، ضاقت بيكى الدنيا ملقتيش غير راجل مجوز لاحول ولاقوة الا بالله العلي العظيم ربنا يرحمنا برحمته».
وقالت نوال: «الدنيا قدامك بخير وربنا يرزقك بواحد كله ليكي لواحدك مش ربع راجل لان ولاده ومراته بيأخذ ا ثلاثه ارباع تفكيره وعليكي من ده كله ليه وكما تدين تدان مين ضمنك انه ميتزوجش عليكي وتذوقي ما اذاقتيه للزوجه الاولي انقي بنفسك من كل هذا العذاب».
