صباحك مع «هير نيوز» | أغنية نادرة لليلى مراد « باب الغفران »

أحلى صباح في رابع أيام رمضان الكريم..

وأحلى كلمات مع «باب الغفران» لليلى مراد..

"باب الغفران بخمسة أركان بالنور مليان نور إسلامك.. وعليه ملكين واقفين الاتنين يستنوا صلاتك وصيامك".

كلمات الأغنية

باب الغفران بخمسة أركان بالنور مليان نور إسلامك

وعليه ملكين واقفين الاتنين يستنوا صلاتك وصيامك

وتلاقي الحور داير مايدور يستنوا اوامرك وكلامك

ياللا ياغفلان باب الرحمن مفتوح على اخره قدامك

***************

ركن التوحيد لله تمجيد يارب فريد في ملكوتك

والصلاة والصوم فرض ومحتوم اياك اياك وقت يفوتك

والحج كمان رحمة وغفران لو تقدر حيزيد اكرامك

ياللا ياغفلان باب الرحمن مفتوح على اخره قدامك

***************

قلبك يرتاح لو كل صباح بتقوم الفجر وبتصليه

راح تبقى سعيد والرزق يزيد والمولى بفضله يبارك فيه

العبد ان تاب يلقى التواب من عند الباب بيرحب بيه

واقرا القران بركة وغفران هو اللي ينور ايامك

ياللا ياغفلان باب الرحمن مفتوح على اخره قدامك