كيف ردت سيلينا جوميز على خبر حمل هايلي بيبر ؟
«مصطفى حسني» اللي لابس قناع المستغني بيشوف اللي بيطلب المساعدة مصلحجي| فيديو
الجمعة 15/أبريل/2022 - 07:08 م
عزة رشدي
تناول الداعية الإسلامي مصطفى حسني، في الحلقة الثالثة عشر من برنامج القناع، الحديث عن صاحب قناع المستغني، حيث وصفه بأنه شخص عنده احتياج الإحساس بالاستقلالية والكفاية والأمان، والإحساس إنه عايز هو يبقى مقدر نفسه ومحترم نفسه.
وتابع الداعية مصطفى حسني، خلال برنامج القناع، أن من طبع قناع المستغني، السخرية والانتقاد من اللي بيطلب المساعدة، يرى أن الذي يطلب المساعدة مصلحجي، لكن مش كل اللي بيطلب المساعدة مصلحجي، في واحد ربنا خلق حاجته عند الناس.
وأضاف، اللي لابس قناع المستغني فقرر ميطلبش حاجة من حد عنده شعور من الغضب والخوف والحزن، أو إنه اتخذل في الماضي أو غضب إنه مش هيحتاج لحد مهما الدنيا ضاقت عليه، ومن ضمن الخساير اللي بيعيشها اللي لابس قناع المستغني، إنه بيتسرب لقلبه أفكار يوم ورا يوم بتقسي قلبه على الناس، لإني لو أنا مش محتاج حاجة من حد، هبدأ أحسن إن المفروض أنا كمان مديش حاجة لحد.
وأوضح، أول خسارة بيخسرها اللي عايش بقناع المستغني.. هو فقدانه لكثير من المودة مع ناس بيحبوه، بسبب قناع الاستغناء ده جزء من القرب والحب راح، لانه شخص خايف يطلب المساعدة أيا كانت معاناته أو عجزه، مش هستعين بحد، لإنه خايف يتخذل أو يتهان ويتذل علشان عنده احتياج.
وأكمل، من طبع اللي لابس قناع المستغني إنه دايمًا يكثر الكلام والتظاهر إنه مش محتاج لحد، وإنه قائم بنفسه ومستحيل يطلب حاجة من حد، موضحا في جزء من شخصية قناع المستغني بيقول إن أنا لو اعتمدت على حد هيخذلوني، وهيذلوني، فأنا مش عايز أطلب حاجة من حد ولا أعتمد على حد، اللي بيعتمد على الناس بيُخذل.
اقرأ أيضًا..
