سيدة تسأل: «خطيبة أخويا بكرش نفركش إزاي؟».. والتعليقات: «حرباية»

واجهت إحدى النساء هجومًا عنيفًا من رواد موقع التواصل الاجتماعي "فيس بوك" بعد نشرها مشكلتها لتأخذ آراء الأخريات، والتي كانت خاصة بخطبة أخيها التي تريد أن تفسخها وتتخلص من خطيبته.

وكتبت تلك السيدة: « دلوقتي اخويا قري فاتحه وماما مش موافقة عليها عشان عندها كرش ومنظرها مش لطيف والعيله هتفضل تتكلم بقي وتقول مرات ابنك كذا وتقولنا مرات اخوكوا كذا واحنا عيلتنا كلها مفيهاش حد تخين بصراحة وجسمنا متناسق نجبهالها ازاي عشان عايزين نفركش ونتصل نقول ايه هو كان جايب خاتم دهب ودبله كده هنخسرهم ولا ايه؟!».

قالت إيمان: «حسبي الله ونعم الوكيل اتقوا الله كسر القلوب والخواطر مش هين اتقوا الله ربنا يرزقوا كلكوا بكرش ارحم ماتكسروا بخاطرها».

وعلقت أسماء: «هو ايه قلة الذوق دي يعني ايه عندها كرش وفيها ايه يعنى إن شاء الله انتى تخطبي وتسابى عشان عندك حبايه في وشك حسبي الله ونعم الوكيل فيكم».

وقال بسمة في تعليق: «هو انتوا يا حلوة انتى وماما واخوكى أللى شورة امه ده ماشفتوش العروسه قبل ما تدخلوا البيت وتجرحوا فى بنات الناس وتجيبى الدبله اللى هى متسواش قدام وجع قلبها واهانتها بالشكل ده اتقوا الله يبقوا اهلها غلطانيين لو ادوكوا الدهب والله اتنجدت من شورة امه وشوفى بعدين وقعته ووقعتك انتى كمان ياحربايه».

وعلقت أيضاً آية: «مهزقه اوي انتي وماما والله يا حببتي ربنا ينجي البنت منكم ويرزقك بال يشوف عندك فسفوس تحت عينك ويفركش عشانها إن شاء الله أصلها كاس وداير».

وقالت ميرنا: «انتوا عيله قليله الذوق وهي خساره تبقى معاكوا وانشاء الله كل واحده فيكوا لما تتجوز هتبقى ب كرش علشان دي حاجه عاديه ووارد جدا تحصل».

وعلقت نورهان: «يا شيخه روحو منكم لله ماهو ربنا مبيديش كل حاجة جسمكم متناسق بس مش سالكين ده ربنا نجدها العروسة انها تطلع من عيلتكم خاتم ودبلة ايه يا ام خاتم ودبلة انتي ياشيخه منك لله».