حظك اليوم وتوقعات الأبراج الإثنين 6 مايو 2024
«جوزي رفض يديني عيدية أعمل إيه؟!».. شكوى النساء بعد العيد على «الفيسبوك»
الخميس 05/مايو/2022 - 04:40 م
ساندي جرجس
بعد الاستمتاع والاحتفال بأيام عيد الفطر المبارك وقضاء الوقت مع العائلة والانشغال في أجواء الاحتفال، عادت النساء مرة أخرى للجلوس أمام الشاشات وطرح الشكاوى على مواقع التواصل الاجتماعي.
وكانت أبرز شكاوى النساء بعد العيد على موقع التواصل الاجتماعي "فيسبوك" حول العيدية، فتنتظر كل امرأة أن يقدم لها زوجها العيدية وإذا لم يفعل ذلك تغضب وتنفعل.
وطرحت إحدى النساء شكوتها قائلة: «لو سمحتو عايزة أعرف التعامل مع الشخص دا ازاى عشان فقدت أعصابى لو انتى متجوزة بقالك ٣ شهور بس ودا أول عيد ليكي مع جوزك ومفروض انه مرتبة كويس ومداكيش عيدية فقلتيله انت مدتنيش عيدية ليه قالك مبديش الكبار بدى الاطفال فقلتلة بس في عيلتنا اهلى بيدو بنات العيلة سواء كبار او اطفال فقالك لا مش هديكى عيدية فازعلت وكتمت فى نفسى وقرايبى جم ادولى عيديات وهو لا وتانى يوم أمه واخواته البنات جم جايبين٢ كيلو موز بس ومدونيش حاجة وراح هو مدى اخواته البنات وعيالهم الاطفال كلهم فلوس قد كدا حوالى ٨٠٠ جنيه لدول كلهم لان عددهم كبير وفضلو قاعدين ٤ ساعات ومشيو ومدوكيش اى حاجة ولا هو اداكى مع العلم البنات اخواتة كبار من ٣٠ سنة لحد ٣٨ واداهم تتصرفى ازاى انا زوهلت ومش عارفة اتكلم بس اعصابى تعبت من الموقف مع العلم انا كنت محتاجة بس يفرحنى بانة مهتم مش اكتر مش الهدف انة يديلى مبلغ معين خالص».
- سخرية النساء
وقالت أميرة في تعليق ساخر على المنشور: «هو الأجواز بيدوا عيدية دول يدوكى نكد ومرار بس يا غاليه بكره يجيلك تناحه لا تقلقى».
وعلقت فاطمة: «ولا تزعلى نفسك انتي اطلبي اوردر وخليه هو اللي يحاسب واعتبريها بدل العديه، طالما ما بيديش عديه يديكي حق الاوردر وفرحي نفسك بنفسك ربنا يقدرني على فعل الخير».
- زوج قاسي
وقالت منة في تعليق آخر: «طب هو معداش عليكوا عيد في الخطوبة مثلا؟ او محصلش اي موقف بينكوا زي دة؟ يا جماعة كل حاجة بتبان في الخطوبة والله الخطوبة اصلا اتعملت علشان نعرف طباع بعض مش خطوبة وجواز ولولولي وخلاص.. ربنا معاكي بجد الموقف وحش جدا يعني مزيج من النتانة والقساوة في نفس الوقت».
- مش جريمة
وعلقت مهجة: «برافو عليكي خليتي كل واحده تخليكي تقلبي علي جوزك فرحتوا الشيطان يا جماعه بجد ولو دبوا خناقه دلوقت يبقي يسلم كلامكم فعلا.. امسحوا البوست ده دي مكانتش عيديه مدفعتش عادى والله بتحصل مش جريمه ولا كارثه مثلا».
وقالت بسمة: «كلميه بينك وبينه في وقت يكون هو في رايق وفهميه انك مش بصه للفلوس هو فرحه بس واهتمام وانك بنته ودي عاده يعني من السنه لسنه ورىنا يهديه ليكي».
اقرأ أيضًا..
بينما علقت أسماء: «خدي موقف منه ومتخليهوش اول ما يطلبك يلاقيكي هو عاوز يعودك على حاجة معينه في دماغه سيبك منه ولا تعبريه وافرحي بعيدية أهلك وناسك وروقي نفسك وحطي برفيوم والبسي حاجات حلوة ولما يجي يقرب منك اتهربي بس مش كل مرة كدا يعني اعمليها مرة اه ومرة لأ، وافرحي مع نفسك ولا تعبرية وبيني انك مبسوطة ولا فارق معاكي يعني من الاخر اديلو الطرشة وسيبك من الي بيقولك اخلعي واطلقي وبخيل والكلام العبيط ده انتى تقدري تكسري شوكته يا ماما بأسلوبك معاه«.
