سلوى هلال تكتب: خواطر حياتية

مع كل طلعة شمس

مع كل طلعة شمس بيجي شروق يوم جديد ومع كل طلعة بتتجدد الآمال وبيصبح اللي كان زمان من المحال ممكن بين يوم وليله يبقى أكيد وواقع وبالتأكيد يبقى في الإمكان ومش محال ..

مش محال إن كل الي جاي يكون مش مستحيل يكون طول ما رب الكون بيقول للشيء بكل رحمة وحب كن فيكون أصل السر بين الكاف والنون فثق إن رب الكون عمره ما حيخزلك يوم اسعى أنت بس وارمي تكالك على الله واوعاك تقول الحلم دا عمري في يوم ما حلاقيه أو حيكون أو هنا هو منتهاه أحلم أوعى تخلي للحلم حدود اهزم خوفك جواك واكسر كل قيود أوصل بحلمك لمنتهاه واسعى أنت بس معاه وخليك مع الله يكون كل الكون معاك وبين إيديك بأمره هو لواحده مش بأمر حد اوعى تخلي لحلمك حد.