«نلبس كلنا قفف».. رسالة نارية من مفيدة شيحة إلى مبروك عطية| فيديو

رفضت الإعلامية مفيدة شيحة، تصريحات الدكتور مبروك عطية، بشأن حادثة الطالبة نيرة طالبة جامعة المنصورة، وقالت: "الشيء الأغرب فعلا كان تعليق الشيخ مبروك عطية على حادثة نيرة، وأثار تعليقه جدلًا كبيرًا جدًا وصدمنا كلنا الحقيقة".

وأوضحت مفيدة شيحة، في برنامجها الستات، المذاع عبر قناة إم بي سي مصر، مساء اليوم الأربعاء: "في الوقت اللي منتظرين فيه من رجل دين يخرج يوعي الناس ويعظهم ويصحي فيهم قلوبهم وضمايرهم لاقيناه خارج يحذر كل ست إنها لو خايفة على نفسها مفروض تنزل من بيتها "لابسة قفة".

وأضافت مفيدة شيحة: "قفة، يعني هو ده اللي قدرت تقوله يا فضيلة الشيخ؟ بدل ما تلوم القاتل على فعلته، بدل ما تصبر أهل البنت اللي راحت ضحية أفكار سامة لشاب مجرم في تفكيره وفعله يكون ده تعليقك على الموضوع، ومفروض نلبس كلنا قفف، ومفروض نمشي بقفة خايفين علشان نحمي نفسنا".

وتابعت مقدمة برنامج الستات: "رجعنا تاني لأصل العيب عليها وشوف لابسة ايه؟! آه بس المرة دي الجريمة مش تحرش يا سيدنا الشيخ، المرة دي جريمة قتل، أنت مدرك يعني ايه جريمة قتل؟ معقول حتى القتل بقينا بنطلع نديله مبررات وبدل ما نجرم اللي بيعمله بنرهب اللي بتقع عليه الجريمة دي؟

وأكملت الإعلامية مفيدة شيحة، أنه: "أنا فعلا مصدومة من الكلام ده وحاولت أقلبه في دماغي كدة 100 مرة علشان أفهم يمكن له تأويل تاني غير اللي فهمناه كلنا بس الحقيقة هو مالوش أي تأويل غير إنه دعوة للعنف ضد المرأة ورسالة ترهيب مخيفة، ومن المخجل إنها تخرج من رجل دين".

اقرأ أيضًا..

«أتشرف وأفتخر».. رد صادم من مبروك عطية على «قومي المرأة» ومايا مرسي