على الطراز الباريسي | جينيفر لوبيز تتألق في شوارع مدينة النور
امرأة ضربها زوجها فخدعته.. ادعت إصابتها بجلطة والتعليقات صادمة
الثلاثاء 09/أغسطس/2022 - 07:11 م
ساندي جرجس
أرسلت زوجة رسالة لصفحة خاصة بعرض المشكلات الزوجية على موقع التواصل الاجتماعي "فيس بوك"، وقالت في رسالتها إنها بعد خلاف مع زوجها خدعته أنها أصيبت بجلطة بسببه، ولكن كانت التعليقات ضدها تماماً.
وكتبت المرأة في رسالتها: "من غير اسم أنا متزوجه ومعي أولاد، ومنذ عشر أيام وقعت مشادة مع زوجي وضربني، ومن وقتها وهو يفهم أنني مصابة بجلطة في لساني ولا أستطيع الكلام، وعمال يصالح فيا كل يوم وحب ودلع وهو جاي من الشغل يجيب لي شوكولاته كمان ويعيط ويقولي حقك عليا أنا غلطان لكي أموت لك نفسي والنبي اوعي تدعي عليا".
وأضافت: «بصراحة صعبان عليا بس هو اللي جابه لنفسه وعيالي مساعديني طول النهار نلعب ونرقص أنا وهما ونزعق، وأول لما يتصل يطمن يقولولوا ماما تعبانة ومش عارفة تتكلم حرام عليك ههههه، والله صعبان عليه أوي بس أحسن، المهم أفضل في التمثيلية دي ولا كفاية كده، مع إني كده مرتاحة وهو بيعاملني زي الطفلة».
وكانت التعليقات كالآتي:
قال أحد رواد مواقع التواصل الاجتماعي: «حرام كده حد بيدعي المرض، ما يمكن متعرفيش تتكلمى بجد زي الطفل اللي قعد يقول بغرق ولما جم ينجدوه قال بمزح ولماغرق محدش عبره».
وعلقت حنان: «ليه كدة بس لو عرف انك بتكدبي هيبهدلك بجد ممكن نطلقي فيها اتقي الله في نفسك وجوزك وولادك بتعلميهم الكدب وتمثيل».
وقالت رحاب: "بصي اتكلمي ووقفي دراعك وقوليلو الجلطة انتقلت لدراعي وبعدين ما تتحركيش وقوليلو اتنقلت لرجلي أهو تغيير عشان ما تزهقيش هاهاي».
بينما علقت حور: «كملي هو سبب السعادة ف الغالب بيكون الخرس ده، هو ف نعمه وأنت حابسه النكد وهو مشتاق يسمعك وأنتي صعبان عليكي وهنا سأسكت قليلاااا ياجماله».
وقالت هبة: «دا أنتي جبروت وتستاهلي يعمل فيكي أكتر من كد، احمدي ربنا لي تتمني لنفسك حاجة وحشة لا حول ولا قوة إلا بالله».
وقالت شيماء: "لا عشرة ايام ما ينفعش مش بحب نقفل الحوار في نص الأسبوع قفلي الأسبوعين بقى وبعدها خفي بالتدريج، ياولية حرام عليكي بصي هو غلطان إنه يمد ايده ويستاهل يتعمل فيه أكتر من كدة بس خلاص عرفتي مكانتك عنده خفي بقى".
كما علقت ريم: «كملي لحد ما تجلطية وتقوليله حسيت باللي أنا فيه، واحدة واحدة كده وهو مجلوط بصمية على ورقة فاضية وبيعي لنفسك اي حاجة تخصه وخلية معاكو في البيت مهو أبو العيال بردة واخدميه ينوبك ثواب لحد ما يبدأ كدا يقوم ويفوق خلصي عليه خالص وقوليله أنا بعت لنفسي حاجتك عشان حريصة عليها أكتر منك، عشان أنا كنت أمانة عندك وأنت أهنت الأمانة دي ومعملتش بوصية الرسول ودا حقي منك».
اقرأ أيضًا..
