طبيب شيرين عبدالوهاب: انتظروا مفاجآتها قريبًا.. ويوجه لها رسالة

أكد الدكتور نبيل عبد المقصود، أستاذ بكلية طب قصر العيني، أن النجمة شيرين عبد الوهاب كانت تحتاج إلى مساندة ودعم في الفترة الأخيرة، موضحاً أنه تعامل مع شيرين كصديق وطبيب.

وحل الدكتور نبيل عبد المقصود، ضيفا ببرنامج "حديث القاهرة" مع الإعلامي خيري رمضان وكريمة عوض، على قناة القاهرة والناس وأوضح حالة الفنانة شيرين بعد أزمتها الأخيرة.

انتظروا المفاجآت

وتعليقا على سؤاله ما الذي تغير وحدث لها، بعدما كانت تخرج لتتحدث عن مشاكلها الشخصية، شاهدها الجمهور مؤخرًا تظهر على "تيك توك" مع ابنتها بصورة أفضل، قائلا: "لأ انت لسة مشفتش حاجة".

وتابع: "هي عايزة تبقى كويسة وترجع لجمهورها، واللي كان مانعها الظروف، أنت ممكن تاخد قرار غلط تكون فاكر إنه صح ويطلع غلط أو كان صح وبقى غلط".

وأضاف: "هي كويسة أوي بس فيه أحلى من كده كمان، لسه هتبتدي، بتعمل أغاني دلوقتي وبتعمل سيناريو فيلم وقالت عليه".

أم كلثوم هذا العصر

كذلك وجه لها رسالة: "أنا من وجهة نظري أم كلثوم هذا العصر، بصوتك والموهبة اللي ربنا اديهالك انتي أحد أقطاب القوة الناعمة في مجال الطرب في مصر، جمهورك بيحبك وعايزك ترجعي وأنتي رجعتي فعلا".

اقرأ أيضًا..

جميلات هوليوود على السجادة الحمراء خلال توزيع جوائز الإيمي أووردز 2022

وأضاف: "أطمئن جمهورك الأيام الجاية أجمل وهيشوفوا منك حاجات كتير جدا، وكلنا داعمين ليكي والجمهور بتاعك كله بيدعمك هتشوفوا حاجات كويسة أوي الفترة الجاية".