قدمت الفنانة سمية الخشاب نصائح للطلاب في المراحل الجامعية بمناسبة الاستعداد لبدء عام دراسي جديد، وذلك عبر حسابها على موقع التواصل الاجتماعي "تويتر".

كتبت سمية تغريدة تقول فيها: "من أولها كده، أول أسبوع ملوش لازمة، متعملوش صحاب جداد من الدفعة خليكوا مع بتوع السنة اللي فاتت أضمن، متحتكوش بحد غير نفسكوا عشان في ناس شغلتهم يلبسوكوا وبس، وأنا بنفسي هبقى متابعاكم".

- معدش فيه أونلاين فننام بدري عشان الحضور.

- متحتكوش باللي بيبقوا قاعدين قدام محتلين الديسك اللي فالأول عشان معظمهم بيبقي نفسية.

- نحاول على قد ما نقدر منبقاش اجتماعيين إحنا مش رايحين نادي خلصوا المحاضرة أو التوتريال واجروا على البيت.

- متحتكوش بولاد الدفعة خالص (للبنات).

فيلم "الليلة الكبيرة" اَخر فيلم شاركت فيه النجمة سمية الخشاب في السينما منذ عام 2015 وشارك مع عدد من الفنانين منهم أحمد بدير، وصفية العمري، وسميحة أيوب، وعمرو عبدالجليل، وغيرهم من النجوم إخراج سامح عبد العزيز.

ونشرت سمية الخشاب عبر حسابها بموقع التواصل الاجتماعي "تويتر" تغريدة كتبت فيها: "حاسه إنه عيني اتعودت إني أشوف كل فترة مقتل طالبة على يد زميلها وده في حد ذاته كارثة، ربوا ولادكم على احترام حرية البنت في اختيار شريك حياتها واختيار لبسها ونمط حياتها يا شوية متوحشين بهايم ربنا ينتقم منكم".

وتابعت كلامها في تغريدة أخرى: "يعني دلوقتي التقصير مش من القانون؛ لأنهم بيتعدموا كده كده، التقصير في تربيتكم الزفت اللي بتخليكم تدوا الولد أو الراجل كل الصلاحيات بأنه يعمل كل اللي نفسه فيه؛ لأنه راجل ولأنه عصب المجتمع ولأنه محور الكون شوية جهلة همج ربنا ياخدكم".