الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

قبل عودة الدراسة.. طالب يروي معاناته من التنمر ويطلب ردودًا لـ«قصف الجبهة»

الأحد 02/أكتوبر/2022 - 06:34 م
طالب يشكو من التنر
طالب يشكو من التنر

مع عودة الدراسة مرة أخرى، هناك طلاب أكثر ما يشغل بالهم هو كيفية مواجهة زملائهم المتنمرين والدفاع عن أنفسهم، وهو ما ظهر جليًا في منشور على موقع التواصل الاجتماعي "فيس بوك" لطالب في المرحلة الإعدادية، يروي معاناته مع التنمر ويطلب من الناس ردودًا قوية للدفاع عن نفسه وعن زميل له.

وكتب الطالب في منشوره: «لو سمحتو يا جماعة انا رايح اولي اعدادي وليا صاحبي وزنه مليان شوية وللاسف زمايلنا بيتنمرو عليه جامد لدرجة انه واحنا مروحين بيقعد يعيط والمدرسين للاسف محدش بيقدر يحميه اخره يزعق في العيال وخلاص وأبو صاحبي جه عمل مشكلة السنتين اللي فاتو وبرضه مفيش فايدة وصاحبي بطل يشتكي لاهله انا وهو اصحاب جدا وملناش شلة للأسف لأن زمايلنا مش من نفس منطقتنا والصيف ده كله كنا بنروح جيم بس هو مكنش بيلتزم بالنظام الغذائي فوزنه منزلش وانا للاسف معرفتش اعمل عضلات وانا وهو من دلوقتي شايلين هم اول يوم بعد امهاتنا ما تمشي ممكن تقولولي شوية ردود اقدر ادافع بيها عن صاحبي واقصف بيها جبهة زمايلنا واخرسهم خالص».






وكانت التعليقات كالآتي: 

قالت له فاطمة في تعليق: «انا عاوزة اقولك انك جدع واحسن حاجه حصلت لصاحبك هو انت، يا ريت تفضل تحب صاحبك وتحميه كده علي طول اللي ذيك بقوا نادرين يابني والله».



وعلقت نرمين: «أولا انت انسان محترم وشاب جميل جدا لأنك بتحب صاحبك وخايف على مشاعره... شوف أهم حاجة انك دايما تدى ثقة لصاحبك فى نفسه وشوفه هو شاطر فى إيه وشجعه وركز عليه.. يعنى مثلا لو شاطر فى مادة من المواد قوله ده انت جامد جدا فى مادة كذا... ولو مثلا بيكتب حلو قوله يا سلام عليك يا برنس... ده هايخليه يركز على مميزاته قبل ما يركز على وزنه... و قوله انت قوى واحنا طول الصيف بنلعب جيم وبقت عضلاتنا قوية وما فيش حد يقدر يقرب مننا... وإذا حد من الأولاد ضايقه بكلام أو حركات ردوا عليهم بمنتهى القوة وقولهم احنا هانبلغ خط نجدة الطفل ١٦٠٠٠ لأن دى واقعة تنمر ومنصوص عليها عقوبات فى لائحة الانضباط الطلابى واللى وزير التربية والتعليم بيشدد على تطبيق اجراءاتها».






ومن جانبه قال محمود: «المتنمر ده غرضه انه يضايقك ويكسرك .. ف انت وصاحبك قدامكم حل من اتنين.. يإما التجاهل التام يإما إنك تتملك الصفة ده .. يعني اللي يقولك يا تخين تقوله أيوة تخين ومقلبظ إيه المشكلة وهكذا.. ساعت لما المتنمر يلاقي الحاجة مش بتضايقك هيزهق ويبطل وهيروح يدور على ضحية تانية.. لو كلامي مش واضح قولي هحاول أوضح أكتر».





كما علقت سما: «بص ياحبيبي اولا لازم تعرف ان الانسان مش بشكله ثانيا خلي اهلك يروح البيت لأهالي العيال دي ويتكلم معاهم بالذوق  ملعونه الاهالي اللي بتنسي تربي عيالها والله».

وقال أحمد: «صاحبك ولا هيفرق معاه حد من العيال دي كبيرهم شوية زعل وقتي ويضيعو طالما انت معاه الل هيفرق مع صاحبك ده بجد هو انت اياك تتخلي عنه او تخذله اما بخصوص العيال دي ف تؤخذ الدنيا غلابا لو فهمتها هتعرف تتعامل».





كما علقت صفاء: «صديق صدوق صادق الوعد منصفآ، انت جميل اوي وكفاية شعورك وتفكيرك ازاي تحمي صاحبك من كلمة ممكن تتقال تإذيه ... قدامكم اختيارين اما التجاهل والمتنمرين لما هيلاقوا الكلام مش بيزعلكم او يضايقكم هيسكتوا وينشغلوا بغيركم او تتعلموا تدافعوا عن نفسكم سواء بالرد على المتنمر الحقير او بكام حركة تهويش كده من بعيد... ربنا يحفظكم ويخليكم لبعض دايما سند وفي ضهر بعض».

اقرأ أيضًا..


ads