نور الغندور تخطف الأنظار بفستان الزفاف الأبيض (صور)
عفاف شعيب تهاجم مظهر الشباب والبنات: ليه بتعملوا كده؟!
السبت 22/أكتوبر/2022 - 09:26 م
عفاف شعيب
نور أحمد
هاجمت الفنانة عفاف شعيب، تصرفات بعض الشباب في الوقت الحالي، سواء على مستوى الملابس أو التصرفات.
وقالت عفاف شعيب في تصريحات تلفزيونية عبر برنامج "تحيا الستات" المذا عبر فضائية "النهار": "ليه الولاد بيربوا شعرهم ويرفعوه لورا، ليه بيعملوا كدا، وكمان البنات اللي بتلبس بنطلونات مقطعة.. انتو بتعملوا كده ليه؟".
وأردفت شعيب في تصريحاتها إن المظهر الخارجي للشباب والبنات في الوقت الحالي لا يروق لها بأي شكل من الأشكال.
وأشارت إلى أنه لا بد وأن يظهر الشباب بشكل جيد ومهندم لأن ذلك يعكس ثقافتنا، لافتة إلى أنه حدث موقف أثناء تصويرها لعمل فني من قبل، أحد العاملين معها كان شعره طويلاً فقالت له: "لو محلقتش شعرك بكره هجيب مقص واقصهولك.. وبالفعل جاء تاني يوم بدون شعره الطويل".
تعرض عفاف شعيب للسحر
وكانت عفاف شعيب قد تحدثت عن تفاصيل انفصالها عن زوجها وقالت: "واحدة عملتلي سحر عشان جوزي يسيبني وتخطفه مني، ولكن أنا قلت يا رب إنت وكيلي وبالفعل العربية اتقلبت بيها وعايشة طول عمرها عاجزة لإن عمري ما دعيت ربنا إلا وجابلي حقي، وأنا انفصلت عن زوجي ساعتها لأن العقد بيني وبينه انتهى خلاص.. زي المسلسل العقد بينتهي بعد ما بيخلص".
وأضافت: "عمري ما أخدت فلوس من زوجي رياض العريان زي ما الناس بتقول إني تزوجته عشان الفلوس، بالعكس مرة كنت عايزة أشتري عربية مرسيدس سنة 1988 ومكنش فيه تقسيط والمبلغ كان كبير ويصل لـ45 ألف جنيه، وطلبت إني أستلف منه الفلوس ورفض وقالي عربيتك حلوة مش محتاجة تغيريها.. وربنا بعتلي شغل والحمد لله جبت العربية من فلوسي".
وأردفت: "حكاية الملابس أصبحت صعبة، خاصة الذوق الي يعجبني، في محل أتعامل معه منذ زمن وكنت أشتري منه ملابس كثيرة حتى قبل الحجاب، وكنت أشتري منه كل البدل المستوردة الألماني وغيرها، لكن بعد الاستيراد لما اتقفل بقيت بعاني مش لاقية الهدوم الألماني اللي متعودة عليها".
