للأطباء.. تفاصيل وشروط الحصول على قرض لحديثي الزواج
حنان مطاوع: كنت أعمل بالقطعة قبل الفن.. وتمردت على أبي
الثلاثاء 08/نوفمبر/2022 - 01:15 م
حنان مطاوع
بسمة خالد
كشفت الفنانة حنان مطاوع عن عملها في الترجمة قبل دخول عالم التمثيل وسبب تمردها على والدها خلال لقاء لها مع إسعاد يونس في برنامج "صاحبة السعادة" المذاع عبر فضائية dmc.
سبب التمرد على والدها
تحدثت الفنانة حنان مطاوع خلال اللقاء عن سبب التمرد على والدها خلال فترة الثانوية العامة قائلة: "دخلت علمي رغم إنى مش حافظة جدول الضرب، علشان بس أتمرد على والدي اللى كان عايزني أدخل أدبى، لأني مش عارفة حاجة في العلمي، وبمجرد ما بدأت الدروس لقيت نفسي مش فاهمة حاجة".
وتابعت: "بالتالى خدت القرار وبدلت وروحت أدبى، وبقيت من أوائل المدرسة، كنت جايبة تقريباً 80% وكان المجموع ده كبير جدا وقتها، بعدها دخلت كلية تجارة إنجليش، واخترت قسم فيه حسابات كتير رغم إنى مش عارفة أى حاجة فى جداول الضرب زي ما قلت قبل كده".
عملها قبل التمثيل
واسترسلت الفنانة عن سبب عملها في فترة الجامعة قائلة: "كنت بتكسف آخد من ماما مصروف، رغم إننا ما كناش محتاجين، فبالتالي حبيت أساعد ماما، رغم إنها مش محتاجة مني ده، لكن كنت بتكسف أقولها هاتي فلوس، وبالتالى حبيت خلال فترة الدراسة أترجم بالقطعة، وبقيت مترجمة، وباخد فلوس في المقابل".
آخر أعمال حنان مطاوع
يذكر أن آخر أعمال الفنانة حنان مطاوع هو فيلم "قابل للكسر" والتي أدت بطولتها مع رانيا شاهين، فاطمة عادل، عمرو جمال، خالد خطاب، ويشارك به عدد من ضيوف الشرف وهم: حنان يوسف، عاصم نجاتي، محمد رضوان، وجيه عجمي، محمد عبد الفتاح، هالة عمر، أحمد فتحي، وغيرهم من النجوم.
