بالصور .. تفاصيل حفل زفاف الفنانة ريم سامي وأبرز الحضور
ميار الببلاوي عن عودة شيرين عبد الوهاب لحسام حبيب: «اللي بيشيل قربة مخرومة»
السبت 12/نوفمبر/2022 - 09:51 م
نور أحمد
علقت الفنانة ميار الببلاوي على عودة الفنانة شيرين عبد الوهاب، لطليقها حسام حبيب، من جديد، خلال الساعات الماضية.
واعتبرت الفنانة ميار الببلاوي، عودة شيرين عبد الوهاب لحسام حبيب، هو انتصار لها، حيث قالت في فيديو لايف عبر حسابها على "فيس بوك: "ربنا سبحانه وتعالى جابلي حقي، وجاب لي حقي من الناس اللي بهدلتني واتنمرت عليا، وقالوا إن أنا ست ما عنديش قلب وما عنديش رحمة، وإن أنا باجي على حد تعبان وعيان".
وأضافت: "دلوقتي الناس قالت اللي أنا قولته، أنا فرحانة إن ربنا أكرمني وبقى عندي بصيرة، المؤمن يرى بنور الله، أنا مش عايزة أتكلم في الموضوع دا، غير قابل للمناقشة عندي، والله العظيم أنتوا على راسي وأبعتولي رسائل زي ما انتوا عايزين، بس لو سمحتوا أنا لا بغتاب حد ولا بنم على حد، كفاية مش عايزة أخد ذنوب من حد".
وتابعت ميار الببلاوي: "أنا الكلمة اللي قولتلها إن ليا وجهة نظر، ووجهة النظر بتاعتي اتفسرت غلط، لكن الحقي يا ميار شيرين رجعت لحسام، ما يرجعوا، اللي بيشيل قربة مخرومة يا جماعة أنا ماليش دعوة، وربنا يوفقهم إذا كانت نيتهم خير، وأنا ليس ليا أي علاقة بهذا الموضوع، يارب يهدي سر الناس، هي بتحبه وهو بيحبها وكتب كتاب ودنيا ماشاء الله".
- تصريحات شيرين عبد الوهاب
في الساعات الماضية أعلنت شيرين عبد الوهاب، عودتها من جديد إلى طليقها حسام حبيب، حيث ظهرت الأولى مع طليقها إلى جانب "المأذون" وهما بصدد الزواج، في صورة جرى تداولها على نطاق واسع في المنصات الاجتماعية.
وقالت شيرين عبد الوهاب :" انا كويسة لسه بخضع لعلاجي النفسي اللي بخضعله من ساعة ما خلفت مريم وهنا، انا باين على صوتي اني مش محتاجة حاجة".
وتوجهت بالشكر للناس قائلة: "أنا ممتنة جدا للناس عاوزة اقولهم انتم تعبتوا فيا وانا عمري ما هخذلكم ابدا، بشكر اللي قال كلمة حلوة واللي قال كلمة وحشة لانه ممكن يكون مضايق علشاني، قضيت ايام صعبة علشان اتاخدت على خوانة، انا لما صحيت تاني يوم في المستشفى قولت لنفسي انا قاعدة في مكان امين وباكل أحسن اكل وبنام أحسن نومة، وقولت ليه مستغلش ده في اني ابقى افضل، والناس كانوا مدلعني وبقيت احسن".
وشكرت شقيقها محمد عبد الوهاب لأنه عرفها على المستشفى "علشان علموني انام بدري وبصحى بدري"، كما تشكرت الصحافة والصحفيين وقالت: "من خلال برنامجك هشكر صحافة بلدي وبشكر صحافة الوطن العربي كله".
وأضاف: “أنا بعتذر لحسام عن الكلام اللي صدر مني في يوم من الأيام، وأنا النهارده عايزة أقفل صفحة حياتي مع الناس لأني كنت السبب في فتح الصفحة دي للناس وخليتهم انشغلوا بيَّ وسط مشاكلهم، أنا في عصمة راجل طيب جدًّا وحبيبي من البداية ولو قلت كلام ضايقه فدا شيطان بيحصل بين اي زوجين”.
