حوادث

انتحار سيدتين بسبب العلاقة الحميمية وعدم الإنجاب.. إليكِ التفاصيل

الأحد 13/نوفمبر/2022 - 09:28 م

محمد علي

وقعت جريمتا انتحار مثيرتين وغريبتين للغاية، الأولى لسيدة تخلصت من حياتها بسبب حماتها التي تعايرها بعدم إنجابها رغم بلوغها الثلاثين من العمر، والثانية لعروس بسبب قيام أسرتها بتعنيفها نظرًا لعلاقتها الزوجية مع عريسها رغم حداثة الزواج.

الحادث المأساوي الأول، شهدته منطقة الهرم في محافظة الجيزة، حيث أقدمت عروس على الانتحار بعد 4 أيام من زفافها، وبالتحري تبين أنها تدعى "ه" 21 عاما، عثر على جثتها أسفل عقار تسكن فيه، بعدما قفزت من الدور الرابع، بسبب أزمة نفسية، وبتكثيف تحريات إدارة البحث الجنائي بمديرية أمن الجيزة، تم كشف ملابسات انتحار العروس، حيث تبين أن أسرة الفتاة عنفتها بسبب مشكلة في العلاقة الحميمية مع زوجها.

انتحار زوجة

واتضح أن تعنيف الأسرة أصابها بحالة نفسية سيئة فأقدمت على التخلص من حياتها بتلك الطريقة البشعة، وجرى إيداع الجثة المشرحة تحت تصرف النيابة العامة المصرية وأخطر اللواء هشام أبو النصر مدير أمن الجيزة بالواقعة.

انتحرت بسبب عدم إنجابي

الحادث الثاني، بدايته عندما تداول مستخدمو مواقع التواصل الاجتماعي قصة فتاة ثلاثينية تدعي “أ” تخلصت من حياتها بسبب معايرة حماتها وبعض من معارفها بعدم إنجابها عندما تجاوز عمرها الثلاثين عاما تاركة رسالة مؤثرة أدمت قلب كل من قرأها.

وكان نص الرسالة المتداولة: "اعذروا كلامي الملخبط بس انتوا مش متخيلين كم الوجع اللي جوايا بس خلاص هينتهي خلال لحظات، شكرا لكل حد وقف معايا ودعمني ولو بكلمه واللي هما اصلا يتعدو على الصوابع".

وأضافت: "حقيقي أنا بحبكم جداً، وكان نفسي افضل معاكو اكتر من كدة بس سامحوني علي قله اصلي واني ماشيه وسيباكو ومش محتاجه اذكر اساميكو، انتو عارفين نفسكو واني مكنتش بتكلم مع حد ادكو وأن بينا ذكريات كتير حلوة وتهلك من الضحك، بس معلش سامحوني".

واستكملت رسالتها المؤثرة: "للأسف مش مسامحة أي حد كان ف إيده مساعدة ودعم ليا ومقدمهاش، ولأي حد رمي كلمة توجع ومحسبش تأثيرها عليها".

وأضافت الزوجة: "زي الست اللي أم حبيبي وجوزى اللي كل ما تشوفني تجرح فيا واني كبرت ف السن ولازم أخلف (هو انت مبتخلفيش ليه, انت كبرتي يا امل , الراجل يخلف في اي وقت لكن انت كبرتي وعديتي 30, هو انت علي طول تعبانة كدة" من غير ما تعرف تاثير الكلام علي اللي قدامها".

وأردفت: "مش هي بس كتير بيرموا كلام يوجع من غير حساب، ومش مسامحة كل اللي كانو بيشوفوني غلط وبيفهموني غلط وكل حد طمع فيا واستقل بيا وهما عارفين نفسهم ومش محتاجه افضحهم، مش مسامحة كل الناس اللي طلبت منها تقف جنبي واستكترو يهزو شعرة منهم يساعدوني وأنا كل اللي كنت طلباه اني اشتغل في الحاجه اللي بحبها واعتقد اني عمرى ما اتخرت علي حد في اي حاجة حتي لو الحاجة مش فى إيدي كنت بدور ازاي أساعد".

ونوهت: «الناس وحشة اوي ومش بيحبو بعض رغم والله العظيم اني بحب طوب الارض حرفيا وعمري ما استخسرت ف حد اي حاجه، انا استنفذت كل طاقتي وحاسه بانعدام القيمة واني لا عارفة اقدم حاجه لنفسي ولا لغيري مفيش عرف يفهمني بجد ولا يحس بيا حقيقي".

وأوضحت أمل: "أنا كان نفسي أنجح وأتبسط واعيش حياتي زى منا عايزة مش زي ما عمرو عايز ولا الناس ولا أهلي ولا زى اي حد شايف انه من حقي اعيش حياتي علي مزاجه هو للاسف ملاقتش اللي كنت استحقة ومنتظراة من اللي حواليا بس تمام".

في النهاية قالت: «رجاء ادعمو بعض وحبو بعض وبلاش تستغلو ضعف بعضكو افهمو إن الحياة اتفه من كل الحاسبات والأفكار .. اتبسطو وابسطو اللي حواليكو على اد ما تقدروا".