الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

«فستانها بشع».. حفل زفاف البلوجر نادية يشعل السوشيال ميديا

السبت 19/نوفمبر/2022 - 01:46 م
هير نيوز

تصدرت البلوجر نادية الخولي مؤشرات البحث، بعد حفل زفافها الذي تم مساء أمس الجمعة، وأثار فستانها ضجة كبيرة على مواقع التواصل الاجتماعي، وجاءت الآراء بين الإعجاب والسخرية، وخلافها مع البلوجر بطوط.


ويرصد "هير نيوز" لك التفاصيل..






تعليقات رواد السوشيال ميديا


جاءت بعض تعليقات رواد السوشيال ميديا مصاحبة للكلام الجارح والسخرية من نادية الخولي، وقالت إحدى المتابعات: "مش حلو خالص.. الفستان بتاع جدتي الله يرحمها كان أحلى".


وقالت أخرى: "الفستان زحمة وتفاصيله كتير ومش لايق مع بعض، من كل فرح.. كانت في كتب الكتاب أحلى بكتييير".








والبعض قال: "وحش اوووووي وبشع" ، و"عارفة العبايات السوري المطرزة يا ابلة اهي هي دي بالظبط".






وجاءت تعليقات أخرى مدافعة عن البلوجر نادية: "أيوه ما هي الناس بتهاجم عشان محتشمة ومحترمة والله، اللهم بارك لو كانت مبينة نص شعرها ولا عريانة محدش كان فتح بقه وكانوا طبلوا".





"مالها دي ما شاء الله جميله ورقيقة وفستانها جامد جدا على فكرة، ليه الهجوم عليها؟ فيه إيه مش فاهمة بجد".









وقالت أخرى: "اللي بيقول حاجة وحشة عن أي حد مش بس عروسة ده إنسان مش سوي وكسر الخواطر مش حاجة هينة وخصوصا عند ربنا سبحانه وتعالى، وفستانها والميكب واحتشامها كلها قمر ماشاء الله عليها ربنا يفرحها ويسعدها يارب ويرزقها الذرية الصالحة".

أما عن خلافها مع البلوجر "الشهيرة" بطوط نصر، جاءت التعليقات متراوحة بين التعاطف مع بطوط والهجوم على نادية والعكس.

قالت إحدى رواد السوشيال ميديا: "بغض النظر عن إيه الخلاف اللي حصل بينهم، وبعيداً عن فرح نادية الخولي خالص، حقيقي قاعدة مقهورة على إن ازاي بعد كل اللي كان بينهم مش هتحضر فرح صحبتها، حتى لو حاولوا يرجعوا بعد كدا ولو 100 مره بعد مناسبة العمر دي مستحيل يحسوا إن اللي بينهم كامل لأن هيكون ضاع أهم يوم، أي اتنين اصحاب بيفضلوا ينتظرو فرحتهم ببعض".

وظهر التعاطف الكبير مع" بطوط": "حرفيا بطوط صعبانة عليا جدا وكل البلوجرز أصلا معرفش اللى بينهم بس على الأقل محدش كلمها ومفيش غير ايمان صاحبة بطوط مراحتش وباركت لناديه وعاجبني استورى بتاعها".





وتعاطف البعض مع نادية: "هي مخاصمتش بطوط عشان هي سافرت تعمل عيد جوازها على فكرة هي بطوط زعلت لما المفاجأة بتاعها كانت عادي ومكانتش واو، وعملت شو زي ما كانت عايزه وبعد كده نزلت بطوط بوست بتعاير فيه نادية انها كانت جمبها لما سابت خطيبها فترة وكلام ملهوش لازمة، ولما الناس علقتلها إنها كدا غلط شالت البوست بس بعد إيه بعد ما الناس شافته ونادية شافته وطبيعي لما صاحبتي تنزلي بوست بتعايرني فيه بدل ما تيجي تقولي الكلام ده في شات بينا أو مكالمة لازم اعملها بلوك وأقاطعها".








خلاف بطوط ونادية


 



جدير بالذكر أنه قد شب خلاف بين البلوجر "نادية "و"بطوط" في يوم عقد قران نادية الخولي، عندما كانت بطوط تحتفل بعيد زواجها خارج مصر ، ورغم ذلك كانت بطوط حريصة على أن تحضر كتب كتاب صديقتها، وفاجأتها بمجيئها ولكن نادية لم تبدو عليها أي دهشة، واتهمت صديقتها بالتقصير وعدم الوقوف بجانبها أثناء التحضيرات لحفل الزفاف، وأنها كانت في أشد الاحتياج لها في تلك الفترة، ما نتج عن ذلك خلاف بينهما، وألغت كل منهما متابعة الأخرى، وتطور الأمر بينهما، و بطوط لم تحضر حفل زفاف رفيقتها الذي عقد أمس.


ads