حيثيات الحكم ببراءة عمرو أديب من تهمة سب وقذف محمد رمضان

أصدرت محكمة جنح مستأنف أكتوبر حكمها ببراءة المذيع عمرو أديب من تهمة سب وقذف الفنان محمد رمضان، من خلال برنامجه "الحكاية"، وذلك في القضية المقيدة برقم ١٠٢٤٧ لسنة ۲۰٢١ مستأنف أكتوبر، والمقيدة برقم ١٢٤٤ لسنة ٢٠٢١ جنح ثاني زاید.

وكان عمرو أديب قد شن هجوما شديدا ضد محمد رمضان، من خلال برنامجه الحكاية، عندما قال: "الإنسان اللي متربى نعمة، فأنت لو مش متربي فيه اللى ممكن يربيك انما توصل لعدم الرباية ولو محدش رباك انا هربيك، بقالك سنة بتعمل مصايب واللي اداك الفلوس قادر يسحبها منك في ثانية، ايام نكد الايام اللي جاية انا مش هدخل في سجال قليل الادب انما لو فاكر انك مسنود القضية والفلوس ندر عليا لمستشفى أبو الريش للاطفال معنديش مشكلة اختلف مع حد. في اي حاجة لكن لما توصل لقلة الرباية النهارده طلبت من المحامي الخاص بي رفع قضية على الفنان محمد رمضان، والفلوس اللي هخدها من محمد رمضان هوديهم لمستشفى الاطفال في ابو الريش انا مش من النوع اللي بياخد حقه بالتجاوز ويا انا يا انت وهنروح للقاضي هو اللي هيقول وقلة الادب لا محدش رباك يا محمد يا رمضان انا اللي هربيك".

كما شن عمرو أديب هجوما شديدا على محمد رمضان بعد رد الفعل الذي صدر منه، على الحكم الذي صدر ضده بدفع ستة ملايين جنيه تعويضا للطيار أشرف أبو اليسر.

وكان محمد رمضان ظهر في حمام السباحة، ليعلق عمرو أديب قائلا: " الناس مش لاقية فلوس وانت بترميها حتى لو مزيفة".

وكانت محكة استئناف جنح الشيخ زايد قد حكمت في وقت سابق، ببراءة عمرو أديب، من تهمتي سب وقذف محمد رمضان، بعدما حكمت محكمة جنح الشيخ زايد، بتغريم عمرو أديب 10 آلاف جنيه، ورفض الدعوى المدنية المقابلة، لاتهامه بسب وقذف الفنان محمد رمضان، ولهذه الأسباب حكمت المحكمة حضوريا قبول الاستئناف شكلا وفي الموضوع بإلغاء الحكم المستأنف والقضاء مجددا ببراءة المتهم مما أسند إليه.