حنان شوقي: «شوفت النبي في ليلة القدر.. ولازم أبوس إيد جوزي».. فيديو

كشفت الفنانة حنان شوقي، سر ابتعادها عن الساحة الفنية لمدة طويلة، وذلك خلال حلولها ضيفة على برنامج "كلام الناس"، الذي تقدمه الإعلامية ياسمين عز على شاشة "mbc" مصر.

حنان قالت: "رميت الدنيا، دوست على الدنيا وما فيها، علشان أشتري نفسي، وأشتري قلبي وروحي، لقيت نفسي غريبة، وحسيت إن روحي غريبة، ودعيت ربنا لو أنا غلطانة أرشدني، ولو صح أرشدني للي أنا حساه".

رؤية النبي في ليلة القدر

وأضافت: "في شهر رمضان كنت أقرأ القرآن الكريم شوفت ليلة القدر، وشوفت سيدنا النبي صلي الله عليه وسلم في اليقظة، وليس في المنام، وهذا الأمر غيرني 360 درجة.. أنا اتهديت واتبنيت من جديد، زي ما ربنا عايز، نفسيا وروحانيا وكل حاجة".

وتابعت: "الزواج فيه كل أسماء الله الحسنى، لأن الحالة الزوجية فيها الود من الودود، والرحمة من الرحمن، والحنان من اسم الحنان المنان، الواحد في حالة الزواج الرجل وزوجته لا ينفصلوا لأنها منه.. أنا حسيت ده كله ولقيت إن الزواج عملية جامدة جدًا وأنا بحبها وحساها جوايا، ولو محستهاش في الحياة بجد يبقى قلتها أحسن، وأنا لازم أبوس إيد جوزي وأقوله عايز حاجة مني".

وقالت: "أنا كتلة حب متحركة على الأرض، وأنا حياتي كلها حب وقلبي مش بينبض غير بالحب".