حقيقة عودة اسما شريف منير لطليقها محمود السكري (صور)

تصدرت الفنانة والإعلامية أسما شريف منير، تريند منصات التواصل الاجتماعي خلال الساعات الماضية، بعدما ظهرت أنباء حول عودتها لطليقها من جديد.

وجاءت هذه الشائعات بعدما نشرت اسما شريف منير صورة وفيدوهات عبر حسابها على انستجرام، ظهرت فيها مع ابنتها لارا السكري، ووالدها محمود السكري.

ولكن ما يخفي على البعض إن هذه الصور جاءت خلال احتفالية مدرسة لارا ابنتها بأعياد الكريسماس والعام الجديد.

وكتبت اسما شريف منير عبر حسابها على "انستجرام": "الفيديو اللي في سلايد رقم ٣ (لارا) آخر واحدة فوق خالص لبسه لبس سانتا .. وده كان رد فعلها وطاقتها أول ما شافتني أنا وبباها وعشان كده بكتب البوست ده".

 

وأضافت: "وعشان كل ما تيجي فرصة اني اتكلم في الموضوع ده بعمل كده، عشان كل مرة بحس ان لو اب واحد او ام واحدة سمعوني ، وراجعوا نفسهم وقرروا أنهم يتنازلوا عن كل الخطط و القضايا والمحاكم والخناق وفكروا قد ايه هما بينقذوا نفسية و مستقبل اولدهم مش هيترددوا لحظه انهم يختاروا السلام". 

وتابعت: "كل مرة بنفهم اكتر عن نفسية بنتنا والتغيرات اللي بتعدي بيها وكل مرة بنتحد فيها او بنكون موجودين في اهم لحظات حياتها بنشوف قد ايه بتكون سعيدة من قلبها ونفسيتها مرتاحة ودي أكتر حاجة بتفرقلها، اكتر من الهدايا واللبس واللعب".

وأردفت اسما شريف منير: "وشهاده ابو بنتي انه بيكون متواجد في كل حفلات المدرسة وكل مناسبة تخصها مش بيعمل زي رجاله كتير وسيبها عاليا، بالعكس ودي حاجة تاتيه مهمه جداً، ان الأب مش دوره بس انه جيب فلوس، كل حاجة الأب بيشارك فيها بتقرب الطفل خطوة لنفسيه سويه اكتر رغم ان الظروف مش عاديه، مش اب و ام عايشين تحت سقف واحد، بس يمكن نكون اقرب من اللي عايشن مع بعض، عشان بنحترم بعض وبنحترم مشاعر بنتنا وبنسمع لها بجد". 

واستطردت: "التضحية الحقيقة مش إننا نستخسر في نفسنا اشياء عشان أولادنا، لأ.. التضحية المفيدة اننا نتنازل عن الانتقام اللي بيرضي غرورنا او بيحسسنا اننا جبنا حقنا و نسيبوا علي جنب و نعيش في سلام.. نتواجد في حياة اولدنا رغم عدم التكافؤ، لان كل عيوبنا و اختياراتنا اللي واجعه قلوبنا كلللللللله من تربيه اهلينا لينا، زمان كانه ماشين بالبركه بس دلوقتي مع التطور و الاطلاع علي طرق صحيه لتربيه اولدنا ممكن نتجنب اخطاء نفسيه كتير ممكن تفرق في حياتهم". 

وتابعت :" يا رب يا بنتي ربنا يقدرنا ونقدر نعمل كل حاجة في ادينا عشان نطلعك في احسن حال ويباركلنا فيكي ويبعد عنك كل سوء، احنا بنحبك وبنحاول نعمل كل حاجة عشان تكوني أحسن مننا وأحسن الناس.. شكراً يا سكري لأنك حقيقي أحن وأحسن اب في الدنيا وهتفضل طول عمرك صديق عمري وأبو بنتي لآخر يوم في العمر". 

وفي الأخير كشفت اسما شريف منير حقيقة عودتها لطليقها وكتبت :" ملحوظة: احنا مش هنرجع ولا بنفكر في كده خالص، بلعكس علاقتنا كده هتستمر العمر كله ان شاء الله، لكن حقيقي الموضوع مش عن الرجوع خالص وعشان كده انا بقولكم انه ساعات العلاقات بتكون صحيه اكتر كده بس المهم اننا نحاول دائما علي ايجاد احسن ظروف لنفسيتنا ونفسيه اولادنا".

تزوجت أسما شريف منير من رجل الأعمال محمود السكرى ابن اللواء محمد السكرى، ونجل منى فتحى شقيقة الفنانة نجلاء فتحي وبهذا فإن الفنانة القديرة نجلاء فتحى تعتبر جدة ابنة أسما وكان هذا الزواج فى عام 2010.

ولكن لم يستمر هذا الزواج طويلًا ليقرر الثنائي لانفصال فى هدوء وتحدث والدها شريف منير في أكثر من مناسبة عن تحضر ورقي طليقها وابو ابنتها محمود السكري، قائلًا إنه فوجئ بتحضر زوج ابنته الأول وقت طلاقهما، فوجده متفاهما للغاية ومتفتحا ولم تقع أي مشاكل، وأنهما اتفقا على أنه في أي وقت يمكن أن يرى ابنته ولا يوجد بينهما مواعيد وأشياء من هذا القبيل".