الأخصائية المثالية الأولى بجنوب سيناء ل هير نيوز: ما أنا إلا دعوة أمي
«حكايات حموات» قصص أزمات بين الزوجة وحماتها قبل الزواج
الأربعاء 11/يناير/2023 - 03:01 ص
ساندي جرجس
أثار منشور لإحدى الزوجات جدلاً واسعاً على موقع التواصل الاجتماعي "فيس بوك"، حيث تساءلت عن المواقف التي تتعرض لها الفتيات من الحموات في فترة الخطوبة وتتسبب في مشاكل وفشل الزواج.
وكتبت الزوجة في منشورها: "إيه أغرب حاجة حماك أو حماتك قالوها وفوتيها عادي عشان الجوازه متبوظش"، وكانت التعليقات جميعها تحكي عن مشاكل افتعلتها الحموات مع زوجة الابن، ومنها:
علقت سارة: «لا مش قالتها بقي هي أخدت باقي ورق الحائط اللي أنا كنت جيباه بفلوسي ركبته عندها قبل حتى ما أنا أتجوز وأشوفوا في شقتي وساعتها عديت الموضوع وقولت مكبرش الموضوع كان قبل الفرح بحوالي 20 يوم بس ياريتني أخدت موقف من ساعاتها يلا أهو الحمد لله اتطلقت بعد 9 شهور وأخدت العفش كله وهدومي وكل حاجة».
وقالت سمر: «مش بفوت عشان مخليش حد يدوسلي على طرف ويفتكرني ضعيفة وطالما في احترام متبادل أكيد مش هيبقى فيه مشاكل واللي بيتعدى حدوده مش بسكتله».
وعلقت أماني: «بطلت افوّت والجوازة مكلمتش والحمد لله والله ربنا نجدها نوسة».
بينما قالت ميرنا: «بصراحه ولا فى الخطوبة ولا بعد الجواز قالوا حاجة ضايقتني حمايا وحماتى بعتبرهم بابا وماما (مش نفس المكانة طبعا) ولكن من كتر إنهم حلوين وبيعتبرونى بنتهم ربنا يديم المحبة بيننا عايزة أقولك هاتقدمي محبه هتلاقي محبة».
وقالت زينب: «مامته كانت بتكلم مامتي تعيد عليها وقالتلها ربنا ميحرمكيش من بنتك خليها معاكى إحنا مش مستعجلين عليهم خالص».
وعلقت نسمة: «أنا حصلي العكس بقى، اخترت رخامة للمطبخ لونها بيج وهي قالتلي دي فاتحة أوي وزيت الأكل هيبان فيها بلاش خدي الغامقة بس مسمعتش الكلام بس طلع عندها حق بصراحة، كانت بتديني النصيحة وبس، إنما عمرها ما قالت رأيها في حاجة اخترتها بصراحة».
