تامر حسني يرد على أحمد أدم: «التريند خلى الناس تبيع مبادئهم»

تصدر الفنان تامر حسني، تريند منصات التواصل الاجتماعي خلال الساعات الماضية، وذلك عقب هجوم الفنان أحمد أدم عليه في برنامجه "أدم شو" الذي يعرض عبر فضائية الحياة.

ونشر تامر حسني عبر حسابه على انستجرام مقطع فيديو لـ أحمد أدم وهو يتحدث فيه عن أفلامه الجديد وكتب: "أستاذ احمد آدم فعلًا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس".
وأضاف: "وخليتهم يبيعوا مبادئهم وصداقتهم وأمانتهم لمجرد إن الناس تعرفهم أو تتكلم عليهم ولو ليوم واحد ونسيوا أنه لا يصح إلا الصحيح عشان ده عدل ربنا".

وأردف: أ"ي افاقين مع الوقت هتلاقيهم بيختفوا والمحترم الحقيقي هو اللي بيستمر أصل لما نهتم ونرد على كل كداب امال اللي بيحبونا نعمل معاهم ايه؟".

واستطرد تامر حسني:" تابعوا قلوب الناس والمواقع اللي هتاخد كلام الاستاذ احمد السلبي وينشروه، وعلموا عليهم عشان تعرفوا حقيقتهم … والحقيقه ان فعلًا الكلام السلبي هو اللي انتشر".

واختتم تامر حسني حديثه:" شكرًا استاذ احمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه واخلاقه".

هجوم أحمد أدم على تامر حسني
وسبق وأن هاجم أحمد أدم على تامر حسني وقال:" تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره".

وأضاف:" يقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشة جدا، وهو اللي بيألف وبيخرج وهو اللي بيعمل موسيقى تصويرية".

وأردف:" وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟".

لفتة إنسانية من تامر حسني
وفي وقت سابق  واصل الفنان تامر حسني، دعمه لضحايا الزلزال المأساوي الذي ضرب سوريا خلال الأسبوع الماضي، حيث قرر تامر حسني مشاركة الهلال الأحمر المصري في جمع التبرعات كما تطوع لمساعدتهم في أعمالهم في سوريا.

ونشر حساب الهلال الأحمر مقطع فيديو للفنان تامر حسني وكتب عليه: "كل الشكر للفنان الانسان تامرحسني، على تطوعه و دعمه الفوري لشعب سوريا بكل ما يستطيع من تبرعات ومساعدات ودعم معنوي للشباب المصري والشباب السوري المتطوع مع الهلال الاحمر المصري مسانداً للهلال الاحمر السوري العظيم".

ومن جانبه كتب تامر حسني: "شكرا لكم أنتم على مجهودكم الإنساني الخارق على مدار 100 سنة من العمل والجهد المستمر في إنقاذ البشر وأيضاً الشكر للشباب العظيم المتطوع من تلقاء ذاته محبة في الخير وليثبت أن الإنسان علشان يعيش لازم يعيش معاه غيره مصر وسوريا إيد واحدة".