تصدر مشهد المواجهة بين جعفر العمدة وزوجته دلال في حلقة اليوم والأخيرة من مسلسل "جعفر العمدة" تريند مواقع التواصل الاجتماعي اليوم، حيث أشاد الجميع بدور دلال الذي تؤديه الفنانة إيمان العاصي بجدارة.

وكتب الكثيرون منشورات عن الفنانة إيمان العاصي، جميعها يدل على انبهار الجمهور بها وبادائها في المسلسل، وكانت المنشورات كالآتي: 

كتب محمد : «إشوفتي إيه وحش مني يا دلال !!!!! الصورة دي أكبر دليل علي وجود ناس في حياتنا بيدعوا إنهم أوفياء وهم أسوء خلق الله، تخيل لما الخيانه تجيلك من واحدة إنت بالنسبة ليها أقرب من أبوك وأمك إلي من دمك ، بعد ما كان سندها وظهرها وغرقانه في خيره ..أهو سُبحان الله وشها برئ و بشوش وتبان بنت اصول ومتعلمه بس هي في الأصل جعانه ومريضه نفسياً ..الأرض البور مهما زرعت فيها خير عمرها ما تطلع خير أبداً اللَهمَّ اكفِنَا شرَّ لُطفَاء المَظْهر؛ خُبَثَاء النَّوَاياُّ ، قليلي الأصل مُحديثي النِعمه».

وعلق أسامة: «الناس كلها بتلبس ونازله تخرج ، وانا حلفت ما البس ولا اتشيك انا والعيال غير لما المعلم جعفر يجيب حقه انهاردة من دلال وعيله فتح الله ، الرجوله مواقف واللي عمله جعفر العمدة يستاهل اني أخرج بعد الحلقه».

ونشرت هبة : «سواء انت بتتفرج علي جعفر العمده ، او لا دور دلال لازم نتفق عليها ان ايمان العاصي عملت دور مخيف لينا بكل المقاييس ..علشان كمية الحقد و الغل اللي شوفتهم منها دى حاجه تصيبنى بصدمه ..انا كرهتها من كم الكدب والغل والحقد وخلتنى افكر هو انا لو فى حياتى واحده زيها هعرفها اذاى وهى طول الوقت ولمده 15 حلقه ناعمه وبتعشق جعفر واقرب حد ليه وفاجاه تتقلب بالمنظر ده كره ومؤمرات وحقد اذاى قدرت تخدع كل العمر ده.. انا بجد مش عارفه مين فى حياتى هيتقلب القلبه دى .. بس كل اللى اعرفه ان ربنا كبير وخير حافظ فاياربى ابعد عنا اى دلال فى حياتنا واشغلها بنفسها واكشفها دائما ياقادر يا كريم.. نعوذ بالله من دلال الرجيم».