طريقة عمل الدجاج المحشي بالفريك
نشطاء السوشيال ميديا يتوقعون أحداث مسلسل «جعفر العمدة 2»
الثلاثاء 13/يونيو/2023 - 10:29 م
ساندي جرجس
أعلن الفنان محمد رمضان، عن تصوير جزء ثان من مسلسل "جعفر العمدة" الذي حقق نجاحا مذهلا أثناء عرضه خلال شهر رمضان الماضي، وهو ما دفع طاقم العمل إلى تصوير جزء ثاني يتم عرضه في شهر رمضان المقبل.
وكتب محمد رمضان، عبر صفحته الرسمية بموقع التواصل الاجتماعي "فيس بوك": «وقعت أمس عقد مسلسل (جعفر العمدة) الجزء الثاني بعد ما أطمنت إنه ثقة في الله هيكون أقوى من الأول بكتيييير إنتاج ميديا هب تأليف محمد سامي ومهاب طارق إخراج محمد سامي، رمضان ٢٠٢٤ يجمعنا بإذن الله».
وكانت تعليقات رواد السوشيال ميديا، على منشور محمد رمضان كالآتي:
قالت هدير : «ايوا بقي بس اوعي حد بنحبه يموت، كنت متوقعة إن فيه جزء تاني ورابع».
وعلقت زينة: «هو دة الكلام مبروووك من الذكاء انكم تستغلوا النجاح الكبير خصوصاً لما يكون كل شخصية ليها بصمتها وكل واحد ناجح في دوره».
وعلقت جنات: «لولا الجمهور ماكنتش هاتوقع لاكن حب الله أولا وحب الناس عشان انتا تستاهل كل خير ربنا يوفقك يارب بس ياريت تسيبك من الكليبات الخليعة اللى انتا بتعملها تبقا كدا بقيت بريمو مصر والعالم تحياتى لحضرتك ولشخصك المحترم».
وكتب علاء: «أكيد سيف هيتقتل وسيد هيخلف أحداث محروقة غيرو».
وكتبت مريم ساخرة: «أهم حاجة سيد يكون موجود»، كما علق أيمن: «بس ياريت الي يكتب السيناريو والحوار تعرفه انك لاقيت ابنك بدل ما يتوه منك وانشق ريقنا معاك».
وعلق سيد : «هتتجوز 3 طبعا يا معلم جعفر وتقعد طول المسلسل تدور على اخو سيف اخراج محمد سامي».
وكتبت سماح: «بس المره دي هيدور على عايده ونرجس مش ابنه».
وعلقت هاجر أيضا ساخرة: «يالهوي ده انا لسه بفكر فيه بقول هيكون فيه جغفرالسنة الجاية ولا انا هتفرج على ايه».
