فقدت أبوها وجوزها وأخوها».. ريهام سعيد تدافع عن مها الصغير

حرصت الإعلامية ريهام سعيد على دعم الإعلامية مها الصغير بعد أزمة سرقة لوحات عدد من الفنانين ونسبها إليها.. مشيرة إلى أن ما مرت به مها من ضغوط نفسية شديدة هو ما دفعها لهذا.

وكتبت ريهام عبر صفحته الشخصية على فيسبوك قائلة: «غلطت واعتذرت.. أصحاب اللوحات سامحوها أصحاب الحق».

 وأضافت: «حد سأل عملت كده ليه ؟؟؟.. من غير تفاصيل مها عدت بأوقات كتير قاسية جدا واستحملت كتير وأنا عارفه ده لأني كنت صديقة والدها جدا الله يرحمه».

وتابعت قائلة: «آكيد بعد اللي مرت بيه وبعد فقدان أبوها وزوجها وخلافاتها مع أخوها كانت بتدور على تقدير.. بتدور على نجاح بطريقة غلط».

وأوضحت: «لما بتحس بعدم الأمان انت بتبقي مش مستقر نفسيا وبتعمل تصرفات غريبة لإثبات الذات عايز تبقي ناجح ومشهور بأي طريقة».

واستكملت مشيرة إلى أنها تعرضت لهجوم سابق وبالتالي تشعر بما تمر به مها الصغير حاليا قائلة: «مش ببرر بس كلنا بنغلط كفاية.. كفاية إهانة هي لو جبل كان اتهد.. أنا مريت بهجوم كده قبل كده ولكن كان علي باطل بس برضوا مجرح اوي ».

واختتمت حديثها قائلة: «مهي غلطت وانتوا كمان بتغلطوا هي غلط وغلط جدا اللي عملته بس أنا متأكدة أن ده نتيجة ضغوط نفسيه بتمر بيها.. أرجو التوقف عن الهجوم أنا خايفة عليها مش هاتستحمل كل ده كفاية لو مش عشانها عشان خاطر أولادها».

أزمة مها الصغير

وكانت الإعلامية مها الصغير تعرضت لهجوم شديد بعد إعلان الفنانة الدينماركية ليزا لاش نيلسون عن سرقة الأولى لأحد أعمالها أثناء حلولها ضيفة على برنامج «معكم» مع منى الشاذلي ونسبها للوحة لنفسها وبعدها توالت اتهامات السرقة من عدد من الفنانين العالميين الذين أكدوا أيضا سرقة أعمالهم على يدها.