ابنتي أرسلت فيديو جنسيًا لشاب.. وأخشى أن يبتزها
روت سيدة مشكلتها مع ابنتها، عبر حساباها على مواقع التواصل الاجتماعي وطلبت من متابعيها ردودا وحلولا لها، لتفادي ما حدث معها واستقرار حياة ابنتها.
وقالت السيدة في شكواها:
السلام عليكم ورحمة الله وبركاته، أدركوني أيها السادة المرشدون، ساعدوني فيما أمر به من أمر مفزع، حفظكم الله وجميع المسلمين، ابنتي أرسلت فيديو جنسيًا لشاب وأخشى أن يبتزها، أنا أم لبنت مراهقة، وعندي مشكلة كبيرة ومحتاجة أعرف أتعامل معاها إزاي من غير ما أضيع بنتي، وفي نفس الوقت من غير ما أفقد دوري كأم وهيبتي
بنتي دخلت في علاقة مع ولد، والعلاقة وصلت لعلاقة جنسية شبه كاملة، وأنا عارفة إن ده عندنا كمسلمين وعرب مرفوض دينيًا وأخلاقيًا وأسريًا، ومش شايفة الموضوع مجرد مراهقة وتجربة عادية، الأصعب إنها صورت نفسها في فيديو جنسي وبعته للولد، أنا طبعا مرعوبة إن الفيديو يكون لسه معاه، أو يكون احتفظ بيه أو بعته لحد، أو يستخدمه ضدها أو يهددها أو يطلب منها حاجات تانية
لكن حاليًا الوضع اتغير، بنتي سابت الولد نهائيًا، ومش عايزة تشوفه ولا تلمحه، وبقت خايفة منه وقلقانة من رد فعله، وأنا مش عارفة هل الخوف ده طبيعي بعد اللي حصل، ولا معناه إنه كان بيضغط عليها أو بيهددها أو إنها اتعرضت لحاجة أكبر ومش قادرة تحكي، في نفس الوقت بدأت تذاكر، وعايزة ترجع المدرسة، لكن مش عايزة تروح لوحدها، وده خلاني أحس إنها بتحاول ترجع لحياتها، بس لسه مش مطمنة،
قبل المشكلة دي أصلًا كان عندها مشاكل في الثقة بنفسها، والتركيز، والغياب من المدرسة، وحصل لها انهيار وبكاء ومشاكل نفسية، وسبق ووديتها لطبيبة نفسية، لكن اتقال لي كلام عن مستوى ذكائها أنا مش مقتنعة بيه، ومش عارفة هل المشكلة فعلًا في قدراتها ولا في حالتها النفسية
أنا كمان مش هكدب وأقول إني أم ما غلطتش، حصل مني أخطاء في التربية والتعامل مع موضوع الخصوصية والحدود والحياء، وأنا عايزة أصلح ده، لكن من غير ما أحسسها إنها بنت سيئة أو إن حياتها انتهت بسبب غلطة
سؤالي الأساسي: أتعامل معاها إزاي من هنا؟ هل أتكلم معاها بالتفصيل في اللي حصل، ولا أقفل الموضوع طالما هي أنهت العلاقة؟ هل أفتش موبايلها وحساباتها وأتابع أي تواصل بينها وبين الولد؟ هل المفروض أطلب منها تقطع كل طرق التواصل وتحظره؟ ولو الفيديو معاه فعلًا، أعمل إيه؟ وهل أتواصل مع الولد أو أهله، ولا ده ممكن يضرها أكتر؟ ولو هددها أو ابتزها أو نشر الفيديو، أتصرف إزاي؟
وفي نفس الوقت، إزاي أكون حازمة وأحط حدود واضحة جدًا من غير ضرب أو إهانة أو فضيحة أو تكسير لنفسيتها؟ أنا عايزة بنتي تفهم إن اللي حصل غلط ومرفوض عندنا، وتعرف حدودها وحقوقها وتحافظ على نفسها، وفي نفس الوقت ما تخافش مني لدرجة إنها تخبي عني أي خطر يحصل لها
وكمان عايزة أعرف: هل حالتها النفسية ممكن تكون سبب في إنها دخلت العلاقة أصلًا؟ وهل محتاجة تقييم نفسي جديد ومستقل؟ وإيه العلامات اللي لو ظهرت عليها تعتبر خطر وتحتاج تدخل سريع؟
أنا مش بدور على حد يقول لي سيبيها تعمل اللي هي عايزاه، ومش بدور برضه على حد يقول لي عاقبيها وخلاص، أنا محتاجة طريقة متوازنة: أحميها، أرجع ثقتها في نفسها، أساعدها تلتزم وتصلح غلطها، وأفضل أنا الأم اللي تقدر تلجأ لها لو حصل أي خطر
ياريت الرد يكون عملي وخطوات واضحة، لأن الموضوع أكبر من إني أعرف أتصرف فيه لوحدي
وجاءت الردود عليها كالتالي..
اول حاجة خاصك تحاولي تحمي بنتك وما تزيديش عليها باللوم راه اللي وقع غلط ولكن ماشي معنى هاد الشي ان حياتها سالات ولا انها بنت خايبة هضري معاها بهدوء وخليها تقول لك واش كان كاين ضغط ولا تهديد ولا ابتزاز من داك الولد.
الافضل توديها لطبيبة او اخصائية نفسية تانية للتقييم من غير ما يكون الهدف الحكم عليها او وصمها وحاولي تفرقي بين غلطها وبين قيمتها كبنت لان اللي حصل محتاج يتصلح لكن مش معناه ان حياتها انتهت.
أهم حاجة دلوقتي تحاولي تكوني امان لبنتك قبل ما تكوني سلطة عليها ماتحاصريهاش باللوم والتحقيق لكن لازم تعرفي منها بهدوء اذا كان الولد هددها او ضغط عليها او لسه بيتواصل معاها وخليها تقطعه وتحظره تماما وماتتواصليش معاه او مع اهله بنفسك لو حصل تهديد او ابتزاز احتفظي بكل الرسائل والادلة ومتدخليش في مساومة معاه واستعيني بجهة مختص