« تقبلي تتجوزي بشبكة صيني؟».. إجابات البنات صادمة

بوابة« هير نيوز»، سألت فتيات سؤالًا « تقبلي تتجوزي بشبكة صيني؟»، فكانت بعض الإجابات صادمة.

حق العروس
إتفقت العروس« مريم.د.م»، 26 عامًا، مع عريسها« علي.خ»، على توفير ثمن الذهب وشراء ذهب صيني بدلًا منه، مع كتابة قيمة الشبكة في قائمة المنقولات، حفظًا لحق العروس في الشبكة، لظروفه المادية الصعبة، وفي نفس التوقيت لعدم ظهورهما أمام الناس كأنهما لم يشتريان الذهب.
قالت: « عادي خطيبي ظروفه المادية صعبة، ومع جائحة كورونا طبعًا شغله كعامل بناء وقف، فاتفقت معاه ومع اهالينا أننا نشتري شبكة ذهب صيني علشان الناس متقولش مجبش ليها، ونوفر تمن الشبكة نكمل الشقة بتاعتنا، مع كتابة 30 ألف جنيه كحق لي في قائمة المنقولات، وعلشان حياتنا تمشي ومنتجوزش واحنا مديونين».

لاتنازل
اختلفت كثيرا الفتاة« ساندي.م»، 31عامًا، مع الفتاة مريم، حيث ترى ساندي أن الشبكة هي هدية وحق في نفس التوقيت، وأنها للزينة والتفاخر « مقدرش اتجوز من غير شبكة دهب، عاداتنا وتقاليدنا العريس بيجيب بـ80 ألف جنيه دهب، ودي الحاجة بصراحة اللي العروسة بتطلع بيها هو دهبها، اللي معهوش ميلزموش، لو العريس مش معاه يجيب لعروسته شبكة يبقى هيتجوز ليه؟، يبقى كدة هيعيشها عيشة صعبة بلاش منه أحسن».

«لو شفتي ورد أبيض.. تتجوزي رجل صالح».. اعرفي التفاصيل

تتقف« سها.ف»، مع ساندي في رأيها حيث تقول،« مقبلش طبعًا أتجوز من غير شبكة دهب حقيقي، الصيني ده بيجيبوه يضحكوا بيه على الأطفال، الدهب بيبقى ذكرى حلوة وتقدير وحق للعروسة، أتحمل ظروفه اه لكن في الدهب معتقدش أقدر أعمل كدة، أنا مش أقل من أي حد، ومبطلبش يجيب عيار 24 مثلًا لكن حقي أفرح بدهب وشبكة».