أثار غضب السوشيال.. عمر كمال لطلاب الثانوية: الشاطر اللي يجيب فلوس مش 90%

أثار مطرب المهرجانات عمر كمال، موجة غضب عارمة من قبل متابعيه على صفحته الرسمية بموقع "فيسبوك"، بعد تعليقه المثير للجدل على نتائج الثانوية العامة، بالتزامن مع اعتمادها رسميًا من قبل وزارة التربية والتعليم ظهر اليوم.

ونشر "كمال"، صورة له وعلق عليها: "‏جبت 90%.. جبت 70%.. جبت 40%.. الشاطر اللي يعرف يجيب فلوس فى الآخر".

الأمر الذي جعل عددًا كبيرًا من متابعيه يهاجمونه، مؤكدين أن الحصول على المال ليس هو النجاح فى الحياة فقط، وجاءت أبرز التعليقات: "مش بالفلوس يا حبيبى، الشاطر فعلا اللى يعرف يرضى ربنا، ويكسب محبة أهل السماء قبل أهل الأرض، أما لو على الفلوس سهل جدًا إنك تكسب ملايين بطرق كتير جدًا معروفة للناس"، "احنا مش بنتعلم عشان نجيب فلوس بس"، "هى مش شطارة يا حمادة دى أرزاق أدعى بس أن يكون ليك رزق ونصيب في الآخرة ميكنش همك الدنيا".

ونتيجة الهجوم الكبير الذي تعرض له عمر كمال، علق مرة آخرى، قائلًا: "الغرض من البوست إنى بقول أهم حاجة تشتغل فى الآخر وتقدر تعيش كويس، يعنى بلاش يأس حتى لو مجموعك مش كبير.. ليه الناس أخدت الكلام غلط! وجابته ناحية الكسل وإن الإنسان ميتعبش!".