تفسير رؤية الموس في المنام لابن سيرين
نظام تقييم طلبة الرابع الابتدائي يُثير البلبلة بين «أمهات مصر»
الثلاثاء 21/سبتمبر/2021 - 06:43 م
آلاء أحمد
أصدر الدكتور طارق شوقي، وزير التربية والتعليم والتعليم الفني، اليوم الثلاثاء 21 سبتمبر 2021، قرارًا وزاريًا رقم 133 بشأن نظام التعليم والمقررات الدراسية وأسلوب التقييم للصف الرابع من المرحلة الابتدائية للعام الدراسي 2021-2022.
واستطلعت عبير أحمد، مؤسسة اتحاد أمهات مصر للنهوض بالتعليم، وائتلاف أولياء أمور المدارس الخاصة، رأي الأمهات في القرار الوزاري بشأن نظام التعليم والمقررات الدراسية وأسلوب التقييم للصف الرابع الابتدائي، للمشاركة بآرائهن على صفحة اتحاد أمهات مصر عبر موقع التواصل الاجتماعي «فيسبوك» بموضوعية ودون تعصب أو تجاوز.
وقالت ولية أمر: «صعب إننا ننقل نقلة زى دي مرة واحدة عن طريق ٣ امتحانات ومخرجات وألوان، بالذات إننا في الـ ٣ سنين اللي فاتوا ما امتحناش أي حاجه وما أخدناش المنهج كله، وفيه مناهج ما شوفناش شكلها، زي اكتشف وكونكت وكونكت بلس، وهنتفاجئ بنظام امتحان ما نعرفش عنه حاجة ولا اتدربنا عليه، لا مدرسين ولا طلبة، وكالعادة هانبقى دفعة تجارب».
وشاركت ولية أمر بتعليقها: «أسلوب التقييم ممتاز، أن يكون على ٣ امتحانات خلال الترم»، وتابعت أخرى: «أنا شايفة من وجهة نظري المتواضعة إن النظام ده كويس جدًا جدًا، أولا هيلزم الطفل بالحضور والمعلم بالشرح وتكملة المنهج، ثانيا هيعود الطفل على دوام المذاكرة وعدم الاستهتار بالمدرسة وتعويدهم على نظام الامتحانات، وربنا يوفق الجميع».
وتابعت ولية أمر أخرى: "بصراحة أنا كأم حرام بجد العيال انظلمت إن يمتحنوا وفي الآخر بردو الامتحان على المنهج كامل دا كدا عبء كبير جدا، لو كان اللي امتحنوه خلاص يعدي من عليهم دا أحسن كتير».
واستكملت أخرى: «كويس جدا.. وده هيلزم المدرس إنه يستكمل المنهج مع الطلبة ويشجع الأولاد على المذاكرة والتنافس مع بعض»، وأضاف ولي أمر: «طبعا كويس جدا ومناسب جدا، يا ريت كمان باقي السنين».
اقرأ أيضًا..
واعترضت إحدى السيدات: «ده عبء على الطالب والأم وحاجة غير محتملة في الوقت والظروف دي، عاوزين تخفيف وتسهيل وتقليل مش العكس».
