فوائد فيتامين سي وأعراض نقصه في الجسم
نانسي ماهر: احذري الزوج الذي لم "يُفطم" من أهله
الأربعاء 06/أكتوبر/2021 - 08:56 م
عبدالله أبو الخير
حذرت الدكتورة نانسي ماهر؛ خبيرة العلاقات الأسرية ومرحلة المراهقة؛ من عدم القدرة علي الفطام من الأهل، مؤكدة أنه من الأسباب الرئيسية في الخلافات الزوجية.
واستشهدت العطار بمسلسل "إلا_أنا": "المسلسل طرح قضايا شائكة جدا؛ قيضية الزواج في بيت عيله وتدخل الأهل، القصة اتعرضت بشدتها حتي لو بعض الناس شايفين حاجات صعبة للأسف الواقع فيه الأصعب".
وتابعت ماهر: "مامة الزوج وأخته اللي لسه متجوزتش وعندها وجهات نظر غريبه في الحياة باصين لجواز ابنهم انه لازم يبقي معاهم في البيت "علشان هو راجلهم" ولازم يبقي مبسوط "علشان هو راجل ولازم يرتاح في بيته" ولازم محدش ينكد عليه "علشان هو حبيب أمه علي حد تعبير المسلسل".
سلبيات بيت العائلة
وـكملت ماهر: "لازم يعرفوا ويسمعوا كل خناقاتهم ومناقشاتهم "علشان كده بيطمنوا عليه " لازم يشك في مراته "علشان يبقى راجل"، ولازم يبقى معرفهمه كل تحركاته "علشان ينظموله حياته" ولازم مراته تتنازل عن أدنى درجات الخصوصية "علشان متبقاش صعبة ونفرية وعاوزة تاخده منهم".
وتابعت:" لازم متشتغلش "والا يبقى هو مش راجل في بيته ولا مسيطر" ولازم حاجات كتير قوي علشان يرضى عن مراته.
القصة مليانة ملابسات كتير قوي بداية من انهم معاهم مفتاح بيت الابن وبيطلعوا اي وقت بدون علم او استئذان الزوجين، مرورًا باتخاذ دور الضحية، لما الزوجة طلبت أقل حقوقها والزوج قرر يطالبهم بوضع حدود وبعدها تشكيكه في مراته وإصرارهم على إظهار انك مش مرتاح في بيتك ومراتك مش فاهماك ومش مراعياك بكل الطرق.
عدم القدرة على الفطام من الأهل
وأشارت إلى أن الموضوع: "كله وجهات النظر والزوجين في الوضع ده بيبقوا في موقف لا يحسدوا عليه بيوت كتير باظت وبتبوظ بسبب الدايره دي، دايرة عدم القدرة على الفطام من الأهل، مفهوم الرجولة في الزواج اللي بيتشوه مع الصدامات والنكد المتكرر؛ بسبب التوتر وانعدام الخصوصيه، كل الأبعاد دي وغيرها بتحتاج دراسه وتحليل لوجهات النظر ومناقشه صح، من غير ما طرف يحاول يفرض سيطرته بالعافية أو بالتحايل ولا الجوازة ما تتهدم أو تتآكل بالنكد والضعف".
