الطلقة الثالثة ..هل حدث الطلاق بين أحمد السقا والإعلامية مها الصغير ؟
بعد الثلاثين.. ذعر في جروبات البنات على فيسبوك بسبب تأخر الزواج
الأربعاء 13/أكتوبر/2021 - 11:47 م
ساندي جرجس
أصبحت شكوى ومخاوف البنات من تأخر الزواج هي أكثر ما يشغل بال الفتيات في الفترة الأخيرة، حيث تشعر كل فتاة أنها إذا تخطت عمر الثلاثون عامًا فهي بذلك لا تتزوج أبدا.
وأثارت أسئلة ومخاوف الفتيات ضجة كبيرة على السوشيال ميديا، حيث ظهرت على الكثير من الجروبات الخاصة بالبنات على موقع "فيس بوك"، منشورات خاصة من بنات تخطت الثلاثين وتعبر عن خوفها من تأخر الزواج وتطلب من الآخرين الدعاء بأن تتزوج.
وقد قامت إحدى الفتيات بكتابة منشور: «بنات ادعولي اتجوز واكون أم كبرت ٣١ قطر الجواز فاتني ادعولي ادعولي افتكروني في صلاتكم».
وكانت التعليقات كلها إيجابية بشكل داعم للفتاة التي تشعر بالخوف من أن يفوتها قطار الزواج حيث قالت ليلى:
«مفيش حاجه فاتتك أصلا ده ليه وقته ومفيش حاجه اسمها قطار الجواز فاتني نصيبك هيجيلك في الوقت المناسب وما تخليش الفكره ده تأثر عليك في اختيار شريك حياتك».
وعلقت أيضًا سمر: «أنا أكبر منك ولسه ما فكرتش في موضوع الجواز ده فلا تقلقي نهائيًا لسه بدري ربنا يرزقك كل خير».
وقالت أيضًا إيمان في تعليق آخر: «31 وقطر الجواز فاتك يا حبيبتي انتي بتبتدي حياتك لسه دوري على شغل كويس وعيشي وسيبي الجواز لما يجي وقته متفكريش كده اللي اتجوزو صغيريين مش مرتحين واغلبهم أطلقوا عيشي حياتك ووقت ما تلاقي اللي يستهلك اتجوزي».
اقرأ أيضًا..
وعلقت ياسمين: «مش معنى أنك عندك ٣١ سنه ولسه متجوزتيش يبقي قطر الجواز فاتك ربنا أكيد شيلك حاجه حلوة اتمتعي بحياتك وعيشيها وربنا يرزقك بابن الحلال الي يريح قلبك».
