الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

«بعد فرح بطوط».. بنات فيسبوك تتمنى العمل في هذه المهنة

الجمعة 22/أكتوبر/2021 - 09:22 ص
هير نيوز

بعد أن انتشرت الصور ومقاطع الفيديو الخاصة بحفل زفاف البلوجر المصرية الشهيرة باسم «بطوط» على لاعب الكرة «أحمد وزة»، أصبحت الفتيات مهووسة بتلك الصور وحفل الزفاف الفاخر بكل ما فيه من فستان الزفاف الرائع والمكياج الفخم حيث أصبحت كل فتاة تتمنى أن تكون مثلها في يوم زفافها.

ونشرت إحدى الفتيات صورة البلوجر بطوط على موقع "فيس بوك" وكتبت عليها: «انا بعد ما شوفت فرح بطوط لتمنيت أكون بلوجر زيها، الحمد لله راضية بنصيبي بس بجد غصب عني اتمنيت اشتغل الشغلانة دي الي بتخليكي تعملي كل حاجة نفسك فيها سفر وافراح فخمة وفساتين من أشهر مصممين الأزياء وكل حاجة حلوة، ولكن الحمد لله على رزق الله في كل الأحوال».

ولكن كانت التعليقات جميعها ترفض ذلك التفكير وتؤكد أن البلوجر ليست مهنة تتمناها الناس، وقالت حبيبة في إحدى التعليقات: «الفلوس والشهرة والبرندات مش كل حاجة هناخد ايه من كل دول، ولقدر الله الواحد اتصاب بمرض نادر ملهوش علاج لا فلوس ولا شهره ولا برندات هتخففنا
الصحه والستر والرضا والقناعه كنوز الدنيا».

وتابعت: «صدقيني في حلو اكيد ف حياتك احسن منهم ونعم كتير احسن من الشو والشهره دي بس احنا عينا مبتبصش غير للنص الفاضي اللي ف الكوبايه، رزقنا احنا واخدينو فحاجات وهما وخدينو ف حاجات لو اتبدلت الاحوال هتحمدي ربنا علي رزقك وحياتك».

وعلقت عبير قائلة: «معظمهم بيدمرو وحياتهم بتبوظ بسبب الحسد والله ربنا يحفظنا ويحفظهم».


وقالت سارة: «والله ما حلوة حياتك تبقى 24 ساعة كتاب مفتوح للناس ايه الحلو فى كده ؟، ايه الحلو في اني اضحي براحة بالي عشان الفلوس؟».

وعلقت هاجر: «كل شيء له الضريبة اهي البلوجر دى مطالب منها طول وقت تبقي 1010 تضحك وتفرح كل يوم تتصور وتلبس وتتمكيچ مينفعش متحطش ميكب يوم ولا متلبسش حلو حياة اية دى اللى كلها معتمدة ع المظهر الموضوع بجد يوجع حياتك كلها قصاد اللي حواليكي لو حصلت مصيبة الناس كلها هتعرف».


وقالت مي: «تقدرى تقوليلى هى بتفيد المجتمع بأيه غير انها مثلا بتعمل اعلانات لاماكن وحاجات ببلاش كلها لنفسها وكله عارف كده، وأنها تخلى واحده زيك وغيرك يتبطروا على عيشتهم كله شو مش حقيقى اتمنى تكونى كدا بس بنفسك مش لأماكن ومفروض عليكي تعملي كده».

ads