جينفير لوبيز تثير الجدل بحقيبة باهظة الثمن.. لن تصدقي سعرها
ميرنا الهلباوي: بكتب عشان أخرج الفوضى اللي جوايا
الثلاثاء 26/أكتوبر/2021 - 04:58 م
أميرة عبدالفتاح
شاركت الكاتبة المصرية الشابة" ميرنا الهلباوي " في فعاليات مركز الشيخ" إبراهيم بن محمد آل خليفة "الثقافي في مملكة البحرين بدعوة من معالي الشيخة" مي بنت محمد آل خليفة" رئيسة هيئة البحرين للثقافة والآثار ومؤسسة مركز الشيخ إبراهيم بن محمد آل خليفة للثقافة والبحوث وزيرة الإعلام ووزيرة الثقافة سابقًا.
بدأت "ميرنا " كلمتها، قائلة، "النهاردة كانت أول ندوة دولية ليا ككاتبة، في مملكة البحرين في مركز الشيخ إبراهيم بن محمد آل خليفة".
وتابعت، "لما جيت المكان هنا أول مرة أول إمبارح، فضل سؤال يتردد في دماغي ليه أنا هنا؟ روحت الفندق بعد الجولة وشربت قهوتي وبرضه ماتوصلتش لإجابة! وأنا ماتعوّدتش مايبقاش فيه إجابات.. لما بدأت أكتب مكنتش بكتب عشان أنشر كتاباتي.. كنت بكتب عشان كنت بطلع كل الفوضى اللي جوايا وكل مرة اتجرحت واتكسرت فيها على ورق في كلمات وجمل جنب بعض على أمل تحل كل الأفكار وتصلح اللي اتكسر".
وأضافت ميرنا، "لما بدأت أنشر كتاباتي مكنش في دماغي أبقى الأكثر مبيعًا لسنين.. ومكنتش أتخيل إن كتاباتي توصلني هنا.. أنا عرفت أنا هنا ليه.. عشان كنت صادقة جدًا في كل كلمة كتبتها وكل إحساس حسيت بيه بغض النظر عن الإحساس ده هيزعل مين أو هيضايق مين.. كنت بكتب عشان بحب الكتابة ومن حب الكتابة قدرت أحب نفسي.. وكل ما كنت صادقة مع نفسي أكتر كل ما بقيت بعبر أحسن اكتشفت إني كنت بعبّر عن ناس تانية غيري كتير قروا لي واتأثروا باللي كتبته".
واختتمت "ميرنا " كلمتها بشكر معالي الشيخة " مي بنت محمد آل خليفة "شكرًا على الدعوة الكريمة وللأستاذة "أزميرالدا "مديرة العلاقات العامة بمركز الشيخ إبراهيم.
وقامت بشكر سيادة سفير مصر بمملكة البحرين ياسر شعبان على استقباله وحضوره.
اقرأ أيضًا..
