بعد عودتها إلى زوجها.. رسالة غريبة من منة عرفة لجمهورها

أعلنت الفنانة منة عرفة عودتها لزوجها الفنان محمود المهدي عبر صفحتها الرسمية على موقع التواصل الخاص بالصور والفيديوهات "إنستجرام "، مشيرة إلى تعلمها من تجربة الانفصال.

منة عرفة: الانفصال وخراب البيت من أصعب اللحظات اللي بتعدي على الست

وكتبت منة عرفة: "من أصعب اللحظات اللي ممكن تعدي على أي ست لحظة الانفصال وخراب البيت، الطلاق يهتز له عرش الرحمن, لكن انتوا يمكن علشان بتسمعوا عن بيوت بتتخرب كل دقيقة فبقى أبغض الحلال عند الله بالنسبالكم نكتة أو حاجة تتمسخروا عليها, رهان بتعملوه مع بعض على أننا مش هنكمل، أو مادة خام للشماتة فينا، خراب البيت عمره ما كان حاجة سهلة على الست أو على الراجل أو على أهالينا.

وأضافت الفنانة منة عرفة، "في عز ضعفي وحزني وكسرتي إلى ربنا ما يكتبها على أي ست مرحمتونيش ولا قدرتوا إني في موقف لا أحسد عليه وشمتانين فينا، قد إيه أنتم ناس متعرفوش ربنا ولا في قلوبكم رحمة، أتمنوا الخير لبعض يا جماعة بلاش نشمت في بعض".

منة عرفة للصحفيين: أرجوكم كفاية بقى 

وتابعت منة عرفة كتابتها قائلة: "لكن دي غلطتي أنا إني شاركتكم حياتي الشخصية، مشيرة إلى أن الإنسان بيغلط علشان يتعلم وأنا اتعلمت، ربنا يعينكم على نفسيتكم الجحيم دي وعسى أن تكرهوا شيئًا وهو خير لكم، لافتة: "يمكن الخلاف اللي حصل كشفلنا ناس كتير حوالينا كانوا بيمثلوا أنهم فرحانين لينا بس الحقيقي إنهم كانوا مستنيين أول مشكلة علشان يشمتوا في كسرتي وخراب بيتي. 

وواصلت منة عرفة: "بس والله ربنا مش هينولهالكم وربنا يخليلي أهلي وزوجي والناس اللي بتتمنالي الخير ووقفت جمبي".

وختمت منة عرفة كتابتها: "وأخيرًا للسادة الصحفيين أرجوكم كفاية بقى ارحمونا حرام عليكم".

أول تعليق لزوج الفنانة منة عرفة بعد عودتهما من الانفصال

بينما عبر الفنان محمود المهدي عن سعادته بالعودة لزوجته الفنانة منة عرفة وكتب على حسابه الرسمي بموقع التواصل الخاص بالصور "إنستجرام": "الحمد لله دائمًا ثقتي في ربنا كبيرة, وشكرا لكل واحد أتمنى الخير لينا ربنا يردهولك أضعاف, والعكس لكل واحد شمت ربنا يردهولك أضعاف الأضعاف".

اقرأ أيضًا..

منة عرفة تعود لزوجها وتوجه رسالة شديدة اللهجة لوسائل الإعلام