6 معلومات عن التيك توكر جوان الخطيبي بعد وفاته
«فضفضة».. بنات يتحدثن عن العنوسة وتأخر الزواج: «اختاري صح وبلاش تسرع»
الأحد 02/يناير/2022 - 02:01 م
عزة ذكي
العنوسة أو تأخر سن الزواج ربما يتسببان في مشكلة كبيرة للفتيات خاصة من يتخطين سن الـ30، وتُعاني الفتيات اللاتي يعشن في القرى بشكل أكبر من اللاتي يعشن في الحضر بسبب عادات وتقاليد المجتمع الريفي.
تستعرض «هير نيوز»، تجارب فتيات عن العنوسة وتأخر سن الزواج ونصائحهن للأخريات.
مفيش حاجة اسمها عانس
غادة محمود، فتاة تبلغ من العمر 35 عامًا، لم يشغل بالها مشكلة تأخرها في الزواج، بل كل ما يهمها الارتباط بمن شبهها غير مبالية بما يقوله المجتمع في حقها أو منحها لقب" عانس"،: مفيش حاجة اسمها عانس، كل لما بنكبر بننضج فكريا ونفسيا أكتر بكتير، سن الـ35 ده هو سن النضج مش العنوسة، لكن في عرف مجتمعنا المصري أنا كبرت والجواز بقى بالنسبالي صعب، وأنا بقول للمجتمع لا، مكبرتش ومش هكبر ومش خايفة من كلام الناس كل اللي بتمناه الارتباط بشخص يشبهني في كل حاجة، ويكون بينا مساحة كبيرة من الحب والتفاهم والتسامح، بعيدا عن أي كلام".
بقيت عانس
ربما يختلف حال عزة أسامة، فتاة تبلغ من العمر 28 عاما عن سابقتها، إذ تعيش عزة في إحدى المحافظات الريفية التي تتزوج فيها الفتيات عند سن الـ 16 و18 عاما،:" أنا بالنسبة للقرية عندي بقيت عانس ومحدش هيتجوزني، البنات عندنا بتتجوز قبل السن القانونية، علشان كدة كل لما حد يقابلني يقولي مفيش حاجة جاية في السكة؟ كأني حامل مثلا، هي دي ثقافة الريف، لكن بنصح أي فتاة متخدش كلام الناس في اعتبارها، ولا تتسرع في الزواج، نسبة الطلاق أصبحت أكبر من الزواج بكتير، فبلاش تسرع، اختاري صح علشان متندميش".
اقرأ أيضًا..
"مفيش حاجة اسمها عنوسة، في شيء اسمه قدر ونصيب دا بتاع ربنا، فبلاش نقول عنوسة وتأخر سن جواز"، بهذه العبارات نصحت ياسمين كامل، فتاة تبلغ من العمر 34 عامًا الفتيات، بعدم التسرع في الارتباط قائلة: "عندي 34 سنة ومش قلقانة خالص، لأن دا نصيب ومفيش حاجة اسمها بنت عانس، في حاجة اسمها ربنا أخر عنها حاجة لأنه مش الوقت المناسب، وبلاش الإنصات لكلام الناس اللي بيأخر مبيقدمش".
