بالصور .. تفاصيل حفل زفاف الفنانة ريم سامي وأبرز الحضور
طليقي يحاول الرجوع مرة أخرى.. اعرفي آراء الستات
الإثنين 03/يناير/2022 - 11:53 ص
ساندي جرجس
طرحت إحدى النساء المطلقات شكوى على موقع التواصل الاجتماعي "فيس بوك"، تقول فيها: «طليقي يحاول الرجوع مرة أخرى ماذا أفعل؟»، وكانت المرأة في حيرة من أمرها هل تسامح طليقها على أخطاء الماضي وتعود لتتزوج منه مرة أخرى أم لا تعود له مهما فعل.
وكانت ردود النساء متباينة بعضهن يشجعنها على العودة في حال أن طليقها تغير وأدرك قيمتها جيداً، وأيضاً العودة من أجل الأبناء، وبعضهن يحذرنها من العودة مرة أخرى لنفس الشخص الذي تأذت منه.
وقالت أسماء في تعليق على المنشور: «لو مرتاحة من غيره مترجعيش، وربنا يعوضك، ولو الأيام صعبة من غيره ولسه بتحبيه ارجعي بشروط وضمانات وورق يتاخد عليه يربيه ويلمه».
وعلقت دينا قائلة: «بصي لو ليكي ولاد مترجعيش ولو ملكيش بردو مترجعيش الندالة طبع ومش هتتغير».
وقالت مي في تعليق آخر: «لو رجعت لازم شروط مقيدة له، والحصول على حقوقك كاملة؛ لأنه غلطان في طلاقك الأول».
بينما علقت ريهام: «انسي كل اللي فات وبداية من جديد بس لزم يكون في شروط أول واحد في الشروط مفيش حد تاني يطلق الزوجه التانية خراب البيوت حرام وانتي صاحبة القرار في كل حال بالتوفيق».
وقالت رضوى: «اللي رماكي في تعبك ميستهلكيش وانتي بصحتك، واللي قطع ورقتك من كشكوله اقطعي انتي كشكولك كله، ملهاش علاقة بأولاد بالعكس كده أحسنلهم ولا إنهم يتربو مع أب أناني مش بيفكر غير في نفسه، بالفرض إنك تعبانة وعلى حسب تعبك هل هو تعب مؤقت إيه مبرره في الزواج ولو هو تعب دائم يتكلم معاكي ويشوف هل تقدروا تكملوا مع بعض ولا هو مش هيقدر؛ لأن محدش يعيش مع حد علشان صعبان عليه هنا أحترمه وأنا أقرر أكمل ولا مكملش، لكن ده شخص أناني معاكي ومع أولاده ومع الزوجة التانية مش بيحب غير نفسه فاكر نفسه محور الكون، دا مترجعيش له وسيبيه ياخد نصيبه وانتي ربنا يعوضك ويراضيكي».
