بنات

أفكار هدايا العروسة من بنات الفيس بوك.. يسرا: «عاوزة دهب» وهاجر: «الفلوس أحسن»

الأربعاء 26/يناير/2022 - 07:08 ص

ساندي جرجس

عند زيارة العروسين بعد حفل الزفاف، يحتاج الضيوف دائما لتقديم هدية للعروس ولكن تشعر بعض الفتيات بالحيرة في اختيار هدية مناسبة للعروس سواء كانت صديقتهن أو قريبتهن، وهذا ما دفع إحدى الفتيات أن تتساءل على موقع "فيس بوك" ماذا يمكنها أن تقدم للعروس هدية.

وقالت في منشورها على إحدى جروبات البنات: «كعروسة تحبى يجيلك أيه هدية لجوازك؟! محتاجة أفكار!»

وجاءت التعليقات تدل على ما تريده العرائس من هدايا بالفعل، حتى يمكن أن يسهل الأمر عليكِ أيضاً عند اختيار تقديم هدية حفل زفاف لصديقتك.

وعلقت يسرا: «هعمل gift list بكل الحاجات اللى محتاجاها واللي عايز يجيب حاجة يجيبها أو فلوس أو دهب».

وقالت هاجر: «فلوس بصراحة أي هدية دلوقتي بمبلغ فلوس ولو أبسط حاجة».

وقالت نور في تعليق: «هاتيلها أي حاجه ناقصاها معرفتش تجيبها أو حاجات للبيت مثلا أو حلويات وسناكس ومكسرات».

وعلقت خلود: «أنا حوار الفلوس دا أكتر حاجة مستفزة الصراحة مش بحب النقطة دي خالص، ااه أكيد الفلوس حلوة وكل حاجة ولما بروح لعروسة بفضل اني انقطها برضو لأن ناس كتير بتكون مستنية النقطة ولكن أنا شخصياً مش بحب الموضوع دا خالص، وبحب الهدايا عادي حاجة في البيت أي كانت أو حاجة شخصية للعروسة اكسسورات برفيوم كويس من bath and body أي حاجة على الشاكلة دي يعني، والله لو مفيش حاجة خالص كفاية إن حد يجي يزورك ويقدرك وبس».