أسعار الذهب اليوم الجمعة 3 مايو 2024 في الأسواق المصرية
بعد ضرب عروس الإسماعيلية.. الستات على السوشيال ميديا: «اهربي قبل فوات الأوان»
السبت 19/فبراير/2022 - 12:01 م
ساندي جرجس
أثارت واقعة ضرب عريس لعروسته في الإسماعيلية يوم زفافهما، جدلًا واسعًا على مواقع التواصل الاجتماعي؛ حيث انتشرت مئات التعليقات الغاضبة على مقطع الفيديو الذي انتشر للعريس وهو يضرب زوجته في الشارع، فالبعض تعاطف معها والبعض الآخر وجه لها اللوم بسبب قبولها للإهانة.
موجة من الغضب
وكانت موجة الغضب على السوشيال ميديا من أجل رفض مبدأ الإهانة والضرب للمرأة بشكل عام، وليس من أجل ما حدث لتلك العروس فقط، مع تعرض الزوج لها بوحشية وتعليقه على ذلك بأنه يحدث بشكل طبيعي في كل البيوت المصرية.
وعلقت أمل على الواقعة قائلة على موقع التواصل الاجتماعي "فيس بوك" قائلة: «هتشوف أيام سواد لما بيعمل فيها كدة في ليلة العمر هيعمل فيها إيه لما يتقفل عليهم باب واحد».
رجالة الإسماعيلية
وعلقت سلمى: «أقل ما يوصف ده فعل فاضح في طريق عام ولازم يتعاقب الجاني».
وقالت أمنية: « مين ده إذا كان الصعيد عندهم النزعة الذكورية أعلى من القيم والدين أحيانا.. أمال مين اللي مبيخليش الست تاخد حقها في ميراثها.. ومين اللي لما بيغلط بيستكبر يتأسف بس عشان هو راجل ..وحاجات تانية كتير.. إلا من رحم ربي طبعا عشان بس منعممش».
واخدها بالإجبار
وعلقت زينب: «ده فرح منيل بنيلة بهدلوا العروسة واخدها بالإجبار لا حول ولا قوة إلا بالله العلي العظيم ربنا يستر عليها».
اقرأ أيضًا..
غير سوي
وقالت منال: «دى لو لها أب ولا أخ ولا خال ولا عم راجل كانت الجوازة باظت وجابو حقها أو تارها، لكن عمل كدا علشان متأكد إن مفيش في عيلتها رجالة لأنها يتيمة كسر فرحتها وخاطرها في أسعد يوم في حياتها أكيد شاف أبوه وهو بيضرب أمه وطلع غير سوي».
اهربي بنفسك
وعلقت سمر: «عفوا اهربي بنفسك من مستقبل اسود وزوج عصبي جدًّا ومضطرب نفسيًّا ونهايتك ظهرت سوف يقتلك عما قريبا، ودى مسئولية اهل العريس لم يعالجه حتى تستقر حالتة، حرام مرمطة العروس في تلك الزواجة السودة ولن يتغير أبدًا اهربي اهربي اهربي قبل فوات الأوان».
