طريقة عمل سموثي الموز بالكاكاو المنعش
البنات عاوزة ايه؟!.. «الشغل ولا الخطوبة عشان خطيبي بيخيرني»
الأربعاء 23/مارس/2022 - 02:51 ص
ساندي جرجس
أصبح العمل جزءًا لا يتجزأ من حياة الكثير من النساء فهي تعتبر أن عملها هو أهم شيء بحياتها والذي يجعلها قادرة على تحمل مسؤولية نفسها والإنفاق على نفسها، ولكن من خلال منشور غريب أثارت فتاة جدلا ونقاش هحاول مسألة اختيار الزواج والخطوبة أو العمل عندما تخير المرأة بين الشيئين.
وأظهر ذلك المنشور حب النساء للعمل بشكل كبير وتفضيله عن الحب والزواج، حيث كتبت الفتاة في منشورها تطلب نصيحة الأخريات قائلة: «الشغل ولا الخطوبة عشان خطيبي بيخيرني حالا بينهم؟!».
وكانت التعليقات كالآتي:
قالت هبة: «حبيبتي ايه اسباب أنه بيخيرك.. يعني مثلا لو ظروف شغلك صعبه وهتخليكي تقصري في بيتك يبقي تفهمي منه أو لو شغلك مناسب ومواعيده كويسه تناسب ظروفك دا وضع تاني بمعني انك لازم تفهمي منه هو ليه مش عايزك تشتغلي وبعدها تقرري».
بينما علقت أمنية قائلة: «شغل والراجل اللي بيخيرك بينه وبين شغلك ده مسموش راجل اسمه حتت عيل لأن مفيش راجل عاقل هيقبل يحط نفسه في مقارنة مع اي حاجه».
وقالت مروة: «لا الشغل عشان يتربى عشان الكلام بيتفقوا عليه قبل الخطوبه مش بعدها عشان زي اللوح يحطك قدام الأمر الواقع».
وعلقت عفاف: «شغلك ثم شغلك ثم شغلك، اتمسكى ب شغلك وسبيه وان شاء الله هيجيلك عريس تانى من الشغل».
بينما قالت هدير: «استخيري ربنا لكن والله الشغل هو سندك بعد الله خاصة أنها مجرد خطوبة يعني مش جوزك ولا متجوزين من فترة والشغل اثر ع البيت ف بيطلب منك تقعدي».
وعلقت نورهان: «محتاجة الشغل مؤثر بالنسبالك وضروري يبقى الشغل وهو لو ليه نصيب فيكي هيكمل مالوش يبقى ربنا شايلك الاحسن والاختيار ده سبب مش ضروري الشغل بالنسبالك وعايشة فبيت اهلك كويس وهو يقدر يعيشك كويس من غير ما تحتاجوا لحد خلاص يبقى الخطوبة وريحي نفسك بسيطة يعني».
ونصحتها هالة قائلة: «شغلك شغلك شغللللللككككككك هتتخطبي لغيره هتتخطبي لحد غير ف التفكير ع الأقل انما شغلك مش هيتعوض اصلا مدام خيرك يبقي بالسلامه».
وعلقت نسمة: «مش فكره الشغل ولا الخطوبة هو ليه يحط علاقتكوا ف مقارنه اصلا ما يىرفض بطريقه الطف هو عقاب يعني هو بيعاقبك مثلا انه مش هيكمل طب وهو بالنسباله عادي طالما عنده قابليه ينهي علاقته بيكي لاي سبب زي كدا يبقى مع السلامه».
اقرأ أيضًا..
