الخميس 28 مارس 2024 الموافق 18 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

«أهل خطيبي عازمني لوحدي أول يوم رمضان».. سؤال يُثير الجدل على فيسبوك

الأحد 27/مارس/2022 - 10:13 م
هير نيوز

لم يتبقى سوى أيام قليلة على حلول شهر رمضان المبارك، والذي ينتظره الجميع بلهفة وشوق وسعادة ويستعد كل شخص له على طريقته، فالأمهات تستعد لتجهيز المنزل وتحضير الطعام والشباب يهتمون بزينة وبهجة رمضان والتفرغ للعبادة، ولكن من جهة أخرى تستعد الفتيات المخطوبات عن أصول استقبال الشهر الكريم مع خطيبها وزوجها المستقبلي.

ولذا، تتداول بعض رواد السوشيال ميديا أسئلة الفتيات لمعرفة الآراء المختلفة والمقترحات لعزومات رمضان خلال فترة الخطوبة وكيف تستقبل الفتاة خطيبها، حيث كتبت إحداهن :«انا مخطوبه ودا اول رمضان ليا المهم انهم عزموني لوحدي اول يوم رمضان من غير اهلي على اساس يعني انا وخطيبي واخوه وخطبته بس انا شايفه اني مينفعش اروح فا انا عايزه اعرف ايه الصح مع العلم ان اخو خطيبي هو اللي عازم خطيبي ومامته وأخواته في بيته ايه الصح».



علقت رحاب على المنشور قائلة: «عزموكى اول يوم رمضان ومن غير اهلك ده اللى هو ازاى ؟!! ما شاء الله بيعودوكى من دلوقتى».

بينما قالت غادة: «فكك من بتوع روحي دي أصول وعادات اتربينا عليها بيت خطيبك ميتدخلش نهاءي غير واهلك معاكي واول يوم ده وسط اهلك اعتذري عنه ومتروحيش هناك غير ب اهلك».



وعلقت علياء قائلة: «بصي هي دائما بتبقى عزومه مركبيه تعالي وكدا إنما الصح اهلك معاكي يا روحي وكمان بكرا لما تتجوزوا هتروحي لحد ماتزهقي وتتخانقوا علشان هتبقي عايزه تعملي الفطار في بيتك والله، طولي بالك كدا البدايات حلوه ف كل حاجه وليها فرحه بس الحدود حلوة وربنا يكملها لك ع خير».



وقالت هبة: «يا حبيبتى اول يوم مع بباكى ومامتك ربنا يخليهم ليكى ويديم لمتكم وبعدين ما يصحش كمان تروحى من غيرهم».

وعلقت هند: «الصح صح والأصول أصول يعني ايه تتعزمي لوحدك لا طبعا ما تروحيش ولو زعل يخبط راسه ف الحيطه ماعندناش بنات تتعزم لوحدها».



وقالت شيري في تعليق آخر: «اول يوم رمضان محدش بيتعزم فيه عشان ده للاهل معروفه دي حاجه تاني حاجه ع حسب اهلك موافقين تروحي لوحدك ولا لا ولو عادي انا شايفه مفهاش حاجه عشان هي مش عزومه اهل ده انتي و خطيبه اخوه يعني هي مش جايبه اهلها وانتي كمان نفس الوضع وشكرا».

وعلقت مروة: «هو كده الواضح ان اخوه المتجوز عازم مامته واخواته ومراتتاهم المستقبليه فا شوفي لو اهلك هيقبلو ب دا تمام لكن لو رفضو يبقي تقولي ان باباكي رفض مثلا عشان ماينفعش تروحي لوحدك وانتي ادري باهلك وبخطيبك بتختلف من اهل لاهل في ناس عندها عادي تروحي وناس لا اسالي اهلك احسن لكن دي مالهاش علاقه بذوقهم ولا غيرو لان مش هما اللي عازمين ف بيتهم واخوه مش مجبر يعزم خطيبات اخواته واهلهم فاهمه قصدي».

اقرأ أيضًا..

ads