4عادات تهدد قدرتك على الانجاب. احذريها
«والدي بيحتضر وجوزي مانعني من زيارته أعمل ايه؟» والتعليقات: «أنتِ الكسبانة»
الجمعة 01/يوليه/2022 - 12:58 ص
ساندي جرجس
أثارت امرأة الجدل بعد أن كتبت مشكلتها على موقع التواصل الاجتماعي "فيس بوك"، حيث كانت تشكو من زوجها الذي طلبت منه زيارة والدها المريض وهو رفض وهددها بالطلاق.
وكتبت المرأة في منشورها: «جوزي مانعني من زيارة والدي وحلف عليا بالطلاق لو روحت ووالدي بيحتضر وطلب يشوفني وأنا نفسي اشوفه اعمل ايه؟؟ انجدوني».
وكانت التعليقات كالآتي:
قالت مها: «اطلبي لجنة الفتوى لأن الطلاق سيقع إن ذهبتي بس ازاي يحلف عليكي بقطع الأرحام وعدم بر الوالدين استشيري فتوى بالتليفون وعدم بر الوالدين كبير لأنه مقرون بالشرك بالله».
وعلقت غادة: «روحي واطلقي .. وانتي الكسبانه ربنا يشفيلك والدك».
وقالت نادية : «ابوكي لو راح قبل ماتشوفيه هتكرهي حياتك وجوزك وبردو هتطلقي وهتندمي طول عمرك».
كما علقت رضوى: «ما يولع يا ماما جوزك بالف سلامه في ستين داهيه في ايه ابوكي الاولي طبعا انتي لسه بتسالي».
وقالت أسماء: «ما يتحرق جوزك دا روحي لـ ابوكي احييه بجد دا ابوكي عارفه يعني اي».
وعلقت هدير: «ده واحد معندوش دين ولا رحمة ولا إنسانية ولا مروءة فلا يؤتمن فمتخسريش رضا والدك وطبعا رضا ربنا عشان راجل بالأخلاق دى».
كما قالت سجدة في تعليق: «وانتي كمان بتسألي روحي لوالدك يا حبيبتي الزوج يتعوض لكن الأب والأم لا بس خليه يرد يمينه بعد ما تروحي عشان هتبقي محرمة عليه واسألي في دار الإفتاء».
اقرأ أيضًا..
