نصائح هامة لتطبيق واقي الشمس مع المكياج
فتاة تسأل عن طريقة لمصالحة حبيبها والتعليقات: "هتخالفي شرع ربنا ولا إيه؟"
الثلاثاء 19/يوليه/2022 - 03:00 م
بسمة خالد
نشرت إحدى الفتيات في جروبات البنات سؤالًا أثار كثيرًا من الفتيات، قائلةً: "بنات عايزة طريقة كريتيڤ أصالحه بيها لإني أنا اللي غلطانة".
لتتوالي التعليقات بين البنات
حيث قالت إحداهن: "قوليلوا يا رميني بلقمة ناشفة والعيش عندك طري تقلان علينا ليه ما تحن يا مفتري".. قوليلو أنا مرات أبويا سحرت لأمي وحولتها طبق فول وعشان ترجع لازم تصالحني ولا يرضيك أعصر على أمي لمون.. انكشيه وبعدين بقي ابقي قوليلوا إنه مش بيهون عليكي زعله".
غنيله
وعبرت أخرى، قائلة: ""كلميه وغنيله وبعدين اعتذري وقوليله إنك ميهونش عليه زعلك وحاولي تبرري الغلط واتكلمي وخليه هو كمان يتكلم واسمعيه، وخلاص الحوار هيعدي وهتلاقي الكول قلب كله لطافة".
وذكرت أسيل: "اتصلي بيه وأول ميرد افضلي انكشيه وقوليله حقك عليا وبعدين أنا اللي زعلانة صالحني إنت وإنتي الوحيدة اللي عارفة بيتصالح إزاي وهتتصالحوا إن شاء الله".
أما ياسمين فلها رأي آخر
"تصالحيه!!!!
انتي عبيطة ولا إيه اقلبي الترابيزة عليه وخليه هو اللي يصالحك انتي عايزة تخالفي شرع ربنا ولا إيه"؟
ورأي آخر يقول:
"بصي يبنتي انتي هتكلميه تقوليله مساء الزبادي يا معذب فؤادي وبعدين تغنيله أغنيه إنت زعلان مني لإياد طنوس والله لو صوتك حلو أهو كسبتوا فنان مبدع والولد اتصالح، صوتك وحش ميهمكيش كملي بردو وهو هيتصالح خوفًا على آذانه السمعية".
