5 نصائح لحماية نفسك من سائق أوبر «المقعد الخلفي الأنسب وممنوع الحديث»
"بحبه بس مينفعنيش من كل الاتجاهات".. والتعليقات: "الحب مش كل حاجة"
الأحد 24/يوليه/2022 - 03:00 م
بسمة خالد
أثارت فتاة الجدل بسبب حبها لشخص ما رغم أن كل الظروف تقف ضدهما؛ حيث نشرت عبر موقع التواصل الاجتماعي الفيسبوك منشورًا تقول فيه: "أعمل إيه مع حد بحبه بس هو مينفعنيش من كل الاتجاهات بس إحنا الاتنين بنحب بعض والله بس بجد علاقتنا ٠/١٠
هي الحاجه الوحيدة الموجوده حبنا لبعض".
أبرز التعليقات
لتتفق أغلب التعليقات على أن الحب وحده لا يكفي لإكمال حياتنا مع الشخص الآخر فكانت التعليقات كالآتي:
ذكرت إحدى الفتيات قائلة: "ابعدي هتتعبي شوية بس بجد كدة هتكتشفي إن ده القرار الصح وإن الحب مش كل حاجة والحب بيروح عادي على فكرة بسبب المواقف والقسوة، ابعدي وعيشي حياتك واشغلي نفسك وشوية وهتتحسني وتتعودي وربنا هيكرمك بحد أحسن وتحمدي ربنا وربنا يريح قلبك".
متضيعيش وقت
وردت الأخرى: "متضيعيش وقت وعمر مع حاجة مستحيلة هتندمي متخليش حد ياخد من وقتك وعمرك وفرحتك وفي الآخر هيعيش هو ويتهنى وانتي المجروحة الوحيدة".
وأضافت أخرى:
"الحب عمره ما كان كل حاجة بجد صدقيني هتفضلي تعدي في سنين عالفاضي
طالما عقلك مقتنع ومستوعب إنكو مش لبعض يبقى عمركو ما هتكونو لبعض، وكده انتي بتضيعي وقت وبتظلمي نفسك.
سيبيه واستعوضي ربنا بجد".
ده مش حب
وفي تعليق آخر: "مفيش حاجة اسمها علاقتنا وحشة بس احنا بنحب بعض.
الحب مش بييجي غير بعد المعاملة الطيبة والعشرة وإنك تفهمي اللي قدامك وعقلك يقتنع بيه مليون في الماية.
غير كدة ده مش حب سميه تعلق سميه اهتمام سميه أي حاجة غير الحب.
الحب في المقام الأول هو إنك تطمني للحد اللي معاكي وتحسي في وقت الخلاف قبل وقت الاتفاق إن ده الحد اللي انتي عاوزاه.
الحب معناه أكبر وأعمق من كلمة بحبك اللي بتتقال.
لو متصدقتش بالفعل يبقى ده مش حب، إنتو الاتنين بتظلموا نفسكوا وبتوهموا نفسكوا، واجهي نفسك وواجهوا بعض انكوا مش بتحبوا بعض وسيبوا بعض بمودة واحترام.
وسيبيها على الله ومتستعجليش حاجة قبل أوانها، كل حاجة في وقتها حلوة وربنا يهون عليكي".
اقرأ
أيضًا..
