حسن شاكوش :عايز أرجع ألاقي مراتي في البيت مش في الساحل الموضوع باظ خالص

كشف الفنان حسن شاكوش عن مواصفات فتاة أحلامه من خلال برنامج "عرب وود"، والذي تمناها أن تكون مثل والدته قائلًا: "عايز واحدة شبه أمي، مش البنات بتوع اليومين دول بتوع بابي ومامي، والبنات بتوع التيك توك، عايز أرجع ألاقيها في البيت، مش أرجع ألاقيها في الساحل، الموضوع باظ خالص يا جماعة".

وتابع كلامه: "البنات اليومين دول بتوع بابي ومامي، والبنات اللي بتشوفيهم على تيك توك الأيام دي هات 2000 جنيه عشان خارجة مع أصحابي، وهات 3000 جنيه عشان رايحة الساحل".

وقد طرح حسن شاكوش أحدث أغنياته التي تحمل اسم "أمي العزيزة" على "يوتيوب" خلال الأيام الماضية، والتي قام بتصويرها على طريقة الفيديو كليب، والأغنية من كلمات محمد الفزاني وألحان حسام فيكا وتوزيع إسلام شيبسي والكليب من إخراج مصطفى السويفي، والتي حققت 300 ألف مشاهدة حتى الآن.

وأعلن حسن شاكوش استلامه كارنيه نقابة المهن الموسيقية في 19 يونيو الماضي، ونشر صورة له عبر صفحته الرسمية بموقع "فيسبوك"، وعلق: "الحمد لله استلمت كارنيه النقابة، جاهزين للشغل".