نسرين البغدادي: المرأة المصرية شريكة فاعلة في تحقيق أهداف التنمية المستدامة
فتاة تشكو من شقيقها: بينشر الغسيل لمراته.. وتعليقات نارية
الجمعة 19/أغسطس/2022 - 12:27 ص
ساندي جرجس
كتبت فتاة مشكلتها على موقع التواصل الاجتماعي "فيسبوك"، حيث تشكو من معاملة شقيقها لزوجته ووصفته بأنه حنون معها بشكل زائد، ما تسبب من هجوم رواد السوشيال ميديا عليها واتهامها بالتفرقة بينهم.
وقالت أخت الزوج في منشورها: «مرات أخويا والدة من شهرين وساكنين جنبنا وقدامهم قرايبنا روحت نزورهم أنا وأمي من يومين لاقينا أخويا واقف بينشر الغسيل في البلكونة لمراته برغم إنها كويسة ومش تعبانة عادي، وكمان جايبة بنت، أمال لو جايبة ولد كانت عملت فينا إيه، وهو معملش حساب لقرايبنا اللي ساكنين قدامه لو شافوه هيقولوا إيه، وأمي حزينة وهيجرالها حاجة، وأنا عايزة أثبت لأخويا إنها مش تعبانة ولازم يحافظ على شكله كراجل، بذمتكم لو شوفتوا راجل بينشر غسيل في البلكونة بتقولوا عليه إيه، عشان إحنا في نص هدومنا».
وجاءت التعليقات كالآتي..
علقت منة: «راجل جدع محترم وعنده أخلاق متحمل مسؤولية النبي صلى الله عليه وسلم كان في خدمة أهله وهو أعظم وأشرف الخلق عليه أفضل الصلاة والسلام».
وقالت آلاء: «بنقول عليه راجل محترم وعنده دم واخلاق وبنقول عليكي عقربة ربنا يخليهم لبعض يارب ويكفيهم شرك».
كما علقت صابرين مكررة التعليق: «بنقول عليه راجل محترم وعنده دم وأخلاق وبنقول عليكي عقربة ربنا يخليهم لبعض يارب ويكفيهم شرك».
وقالت ماهي: «ربنا يخليهم لبعض ويكفيهم شرك يارب ده راجل جميل يارب يخليهولها ويكفيهم شرك اللهم آمين يارب العالمين».
بينما كتبت ناهد: «بنقول عليه راجل محترم وابن اصول ربنا يكثر من أمثاله وياريت تخليكي في حالك هترتاحي والله وهتريحي».
وعلقت رباب: «راجل جدع محترم وعنده أخلاق متحمل مسؤولية النبي صلى الله عليه وسلم كان في خدمة أهله وهو اعظم واشرف الخلق عليه افضل الصلاة والسلام».
اقرأ أيضًا..
