بقلم فاطمة المزيني: التدريب المبني على الساعات
أول رد لـ محمد صبحي على تصريحات عبير صلاح الدين وهجومها ضده
حل الفنان محمد صبحي ضيفًا في برنامج
"حضرة المواطن"، الذي يقدمه الإعلامي سيد علي عبر قناة الحدث اليوم ليرد
من خلاله على هجوم عبير صلاح الدين عليه واتهامه بإنهاء حياتها الفنية.
وقال
الفنان محمد صبحي عن تصريحات عبير صلاح الدين الشهيرة بـ"عبلة": "جتلي أول مرة
وقلت إن ملهاش في التمثيل وخلتها تتدرب مع الفرقة عشان أحطلها دور، في 1994 ادتها
دور عبلة في ويوميات ونيس ودربتها عليه لحد ما طلع بالشكل ده في 2008" .
وتابع
كلامه: "في الجزء السابع سابت المسلسل وأقنعت ممثلة تانية إنها متكملش هي
كمان، ووعدت الممثلة دي تكتبلها مسلسل، والمسلسل بتاعها فشل وعبير اتطردت من
الإستوديو ومعرفتش عنها حاجة من وقتها".
قدمت 277 ممثلًا
وأضاف: "أنا قدمت 277 ممثلا اتخرجوا من عندي واشتغلوا في السوق ونجحوا، إزاي تقول عني
الكلام ده، منهم صلاح عبد الله، ومنى زكي، وأحمد وفيق، ومصطفى شعبان، وأحمد رفعت،
وأحمد آدم، وقبلهم هناء الشوربجي، وأبناء ونيس وشريهان وسيمون، وكلهم استطاعوا
النجاح وعلاقتي بهم ممتازة حتى الآن".
واختتم: "مش عايز المسكينة دي تحقق الشهرة والتريند بأكاذيبها وهكتفي بدفاع زملائي
والجمهور" .
بداية الأزمة
وكانت قد روت الفنانة عبير صلاح الدين،
الشهيرة بـ"عبلة" في مسلسل "يوميات
ونيس"، لأول مرة، تفاصيل خلافها مع الفنان محمد صبحي، وعدم تعاونها معه في
الأجزاء الأخيرة من العمل.
اقرأ
أيضًا..
آنا دي أرماس تبكي بعد حصولها على جائزة «هوليوود الجديدة»
فقالت
عن سبب خلافها مع صبحي: "بعد 10 سنوات رجعنا نعمل الجزء السادس من يوميات
ونيس، وكان حلو وفيه نجوم كثيرة، وعمل رد فعل كويس، الجزء السابع مكنش ينفع إننا
نكمله، لإنه كان مط وتطويل وحصل فيه خلافات كتير وتوقف التصوير مدة 6 أشهر صورنا
فيه شغل وناس اتخانقوا مع بعض فمشيوا واضطرينا نعيد التصوير تاني بدون أجر".
وأضافت:
"كملنا الجزء السادس وإحنا في حالة شد وجذب وناس مشيت وناس قعدت، أنا كانت
مشاهدي فيه صامتة، ولما خلصنا الجزء السابع بطلوع الروح، وأما قالوا هنعمل التامن
أنا رفضت، فمحمد صبحي قالي إزاي تعملي كده؟".
أما سبب عدم تعاونها مع الفنان محمد صبحي في الأجزاء الأخيرة من المسلسل، قالت: "الناس اللي قريبين مني قالوا لي إنتي الحل بتاعك حاجة واحدة، هي إنك تستسمحي الأستاذ محمد صحبي علشان تعرفي تشتغلي، قلت لهم لأ مش هعمل كده أنا مغلطتش".
وأكملت:
"أنا قلت لا مش عايزة أكمل المسلسل، ده من حقي كممثلة إني مش لاقية نفسي في
الدور، لإني مش هحرق الشخصية بعد نجاحها".
