الأخصائية المثالية الأولى بجنوب سيناء ل هير نيوز: ما أنا إلا دعوة أمي
بعد نجله.. فاروق فلوكس يرد على محمد رمضان: «فنانين كتير يتمنوا يقدموا أدواري»
الأربعاء 21/سبتمبر/2022 - 07:28 م
بسمة خالد
تصدر الفنان فاروق فلوكس، مواقع التواصل الاجتماعي، بعد رده على تصريحات محمد رمضان، ضده، وسخريته منه لتجسيد دور صبي راقصة، مشيرًا إلى أنه لن يتمكن من إتقان الشخصية مثله.
رد فاروق فلوكس على محمد رمضان
قال فاروق فلوكس في إحدى التصريحات الصحفية: "أنا ماعملتش دور صبي الرقاصة فقط، عملت أدوار تانية مهمة، وكتير في الجيل الحالي يتمنوا يقدموا نفس الأدوار دي، وده لأهميتها".
وتابع: "عملت دموع في عين وقحة، بطولة الأستاذ عادل إمام، ودي لغة الفن اللي مابتمشيش بنوعية واحدة، جميع أدواري اللي قدمتها على مدار مشواري الفني بقدم شخصيات مختلفة، وهي دي اللي الناس بتصدقها".
وأضاف: "لما أعمل شخصية صبي رقاصة لا بد أن تكون الشخصية فيها مضمون، لو هو مش فاهم في ده هو حر، لكني أنا مجرحتش حد خالص، ولا حتى المشاهد كانت مخلة في أي شئ، ولكني نجحت في تجسيد الشخصية، والدليل ان كل المشاهدين صدقوني فيه".
رد أحمد فلوكس
كذلك رد أحمد فلوكس على تصريحات رمضان من خلال منشور عبر حسابه الشخصي في "فيس بوك"، كتب فيه: "شوف يا حماده، انت ترفض إنك تعمل دور صبي رقاصة لأنك دايماً نمبر وان، فأكيد هتبقى عينك على دور الرقاصة نفسها، مش الصبي بتاعها، وانت ما شاء الله ناجح في ده جداً وبتعمله سهل وانت عريان ما دريان".
وتابع فلوكس: "نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان".
وأضاف: "أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان".
وأنهى كلامه قائلاً: "وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار".
تصريحات محمد رمضان
الأزمة بدأت بسبب تصريحات محمد رمضان خلال لقائه مع الإعلامية نجوي إبراهيم المذاع على قناة "النهار"، حيث قال: "فى فنان كبير عمل أشياء أرفض أن أفعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قدير".
اقرأ أيضًا..
