تعاطف عدد كبير من نجوم ونجمات الفن في الساعات القليلة الماضية مع الفنانة شيرين عبد الوهاب، التي تصدرت مواقع التواصل الاجتماعي المختلفة بعد أزماتها الأخيرة مع شقيقها الذي اعتدى عليها وطليقها الفنان حسام حبيب

أعربت الفنانة نشوى مصطفى عن حزنها بسبب ما يحدث مع الفنانة شيرين معبرةً عبر فيس بوك: "يا عيني عليكى يا شيرين، يا عيني عليكي يا بنتي — إيه اللي بيحصل لك ده  —  يا وجع القلب ليه الفضايح".

كذلك عبرت الفنانة وفاء عامر عن حزنها بسبب ما يحدث مع الفنانة شيرين عبر حسابها الرسمي علي فيس بوك، كاتبةً: "للأسف شيرين ملقتش قلب من الي حواليها يحبها ولا  حتي قلبها، لازم هي الي ترجع وتقف علي رجليها بنفسها ساعتها حتبقى أقوى بكتير يا رب فك كربها".

وأوضح الفنان تامر حسين صدمته مما يحدث من أزمات للفنانة شيرين عبر موقع فيس بوك، فقال: "أصعب وأقسي حاجة على فنان كبير وموهبة كبيرة بجد لما تكون أخباره السلبية وحياته الشخصية ومشاكله متصدرة وطاغية على فنه اللي المفروض يبقى مُتفرغ له تماماً وخسارة كبيرة، ربنا يسترنا جميعاً ويعافي أي حد من أي إبتلاء الواحد بيحزن والله م اللي بيشوفه وبيسمعه".

من حانبها أوضحت الإعلامية رولا خرسا استيائها من ما يحدث من جانب أهل الفنانة شيرين قائلة ً عبر حسابها علي فيسبوك "إلى بيحصل لشيرين عبد الوهاب ابتلاءً كبير أو ي.. اصعب حاجة في الدنيا اما اهلك يطلعوا يفضحوا اسرارك علي الهواء حتى لو كان عشان حمايتك.. إلى ربك ستره تفضحوه ليه".

وأضافت رولا خرسا: "كان ممكن يستنجدوا باي حد كتيمي من غير ما يطلعوا  في التلفزيونات يتكلموا، قلبي واجعني على بناتها إلى عايشين في الجو دا واللي مهما كانوا شايفين إلا أما الناس كلها تعرف حيتعرضوا في المدرسة ومن اللي حواليهم لكلام قاسي وتنمر، وشيرين نفسها حتى لو مدمنة فحقها عليهم أنهم ياخدوها في حضنهم ويساعدوها مش ينشروا اخبارها حتي لو شايفين أن دا لمصلحتها".