تايلور سويفت تفاجئ جمهورها بألبوم جديد
«يا عم قلدني».. رد قوي من أحمد العوضي على منتقديه بسبب عامل النظافة
الأحد 23/أكتوبر/2022 - 08:29 م
أحمد العوضي
نور أحمد
رد الفنان أحمد العوضي، على من هاجموه خلال الساعات الماضية بعدما دعا عامل النظافة الذي مُنع من الجلوس وتناول الطعام داخل أحد فروع محل كشري شهير إلى العشاء في مطعم أسماك.
ونشر "العوضي" مقطع فيديو عبر حسابه الشخصي على موقع "فيس بوك" قال خلاله: "الناس اللي بتقول ده شو وصورت الراجل والكلام دا لو أخوك عنده مشكلة في الشارع بتجيب حقه قدام الناس في المكان اللي اتعمل عليه نمرة فيه".
وأضاف العوضي: "اللي بينك وبين ربنا الصدقة، أنا مورتكش اديته كام ولا عملت له إيه، أنا جبرت بخاطره، لأن مَن صار بين الناس جابرًا للخواطر أدركه الله في جوف المخاطر".
وأردف: "الراجل اتكسر قدام الناس، فحقي اطلعه منصور قدام الناس برضه، ده من حقي ودوري لو ربنا مديني شُهرة أني استخدمها، ربنا إداني الشهرة لسبب وبستخدمها في السبب اللي يرضي ربنا، ودي حاجة بيني وبين ربنا، اوعى تفتش في النوايا.. أنت مش قاضي في الأرض".
واستطرد "العوضي" في تصريحاته وقال: "كل الموضوع أني نزلت بوست لا صورته ولا حاجة، لأن أنا راجل ابن شارع أنا قاعد في الشارع طول عمري، وهفضل في الشارع وهفضل أراضي في خلق الله، دي حاجة بيني وبين ربنا".
وعن كواليس حديثه مع الرجل قال: "قلت له هناكل أنا وأنت في طبق واحد، لأن كلنا واحد وولاد تسعة أنا مبسطها، الدنيا مش كلها اللي أنت شوفته.. أنت أخويا وكلنا ولاد آدم، واللي عملته مش مقصود بيه شو ولا أي حاجة، اللي أسعد الراجل أنه حس أنه منصور ولقى شغل".
ووجه العوضي رسالة خاصة إلى منتقديه في نهاية الفيديو وقال: "ياعم قلدني.. دي حاجة كبيرة أنك تفتح له باب رزق، وأنا ربنا جعلني سبب لوظيفته الجديدة، أنا مش ناقص شهرة، بس بصدر لك حاجة كويسة.. لو عايز تقلدني قلدني أنك تجبر خاطر الناس، وربنا يقدرنا على فعل الخير".
اقرأ أيضًا..
