القبض على سيدة متزوجة بتهمة الخيانة الزوجية في كرداسة
ميار الببلاوي عن تصدرها التريند: "حد الله إني أركبه بشتيمة الناس ليا"
الأربعاء 02/نوفمبر/2022 - 12:57 م
ميار الببلاوي
بسمة خالد
ردت الفنانة ميار الببلاوي علي الهجوم اللاذع الذي تعرضت له، بعد تصدرها التريند الفترة الماضية عقب تحدثها عن المشهد الجريء الذي قامت به في فيلم "ديسكو ديسكو"؛ حيث أوضحت أن الفنانة نجلاء فتحي هي من أقنعتها بتصويره.
رد ميار الببلاوي على هجوم الجمهور
وأعربت الفنانة ميار الببلاوي عن استيائها عبر حسابها على "فيس بوك"، من هجوم الجمهور عليها، مؤكدة أنها لا تتعمد تصدر التريند بهذه الأقاويل كاتبةً: "أنا مش هدافع عن نفسى ومش هقول إنى صح.. بس ربنا شاهد إنى بتكلم بعفوية ومبعرفش أتخابث ولا قصدى أى إساءة لأى حد من زملائى اللى بحبهم وبقدرهم وبعتز بأى عمل شاركتهم فيه طوال السنين اللى فاتت.. وأنا لا عاوزه أجيب سيرة الفيلم ولا المشهد.. ولا يشرفنى.. ونفسى أنسى والناس تنسى بس معرفش ليه بعد 25 سنة بينبشوا في الماضى.. في فنانات عاملين مئات الأفلام وفيها مشاهد نسأل الله المغفرة".
وتابعت ميار الببلاوي كلامها: "اشمعنى ميار اللى لازم تترِجم وتتبهدل وكل اللى عاوز يعمل شو يبقى عليا.. أنا برفض كل يوم مقابلات فى برامج لكن مروه صبري اخت زميلتى عبير.. وبحبهم هما الاثنين غير كده أنا حرّمت أى مقابلة غير لما اعرف طبيعة الاسئلة وهركز فى كل كلمة ومش هذكر أسماء ولا مواقف بس الصحفيين واليوتيوبرز يرحمونى من العناوين اللى ملهاش علاقة بالكلام اللى جوه الفيديو".
اقرأ
أيضًا..
واسترسلت ميار كلامها: "وبالنسبة للتريند اللى أنا عاوزه أركبه حد الله إنى أركب التريند بشتيمة الناس ليا.. وعلشان أأكد لكم أنا محولة موبايلى ومبردش على أى صحفى .. أنا نفسيتى تعبت وجالى اكتئاب وابنى مضايق جدًا.. وأختى كدة كفاية وبالنسبة لأنى بعمل كده علشان انا اتنسيت وعندى حب للظهور قولوا اللى يعجبكم أنا ناجحة فى برنامجى ولله الحمد وراضية بيه ولو جالى شغل فدا رزق أشكر عليه ربنا مجاليش مش هلجأ للطرق الرخيصة دى علشان اشتغل وبالنسبة للميكاب والرموش والضوافر حاضر هشلهم.. علشان ابقى كده واجهة للحجاب دا كل اللى عندى وأفوض أمرى إلى الله.. إن الله بصير بالعباد".
ميار الببلاوي تتصدر التريند
وكانت الفنانة ميار الببلاوي تصدرت التريند الفترة الماضية عقب أدلائها بالعديد من التصريحات الصادمة التي قالتها عن مشهدها الجرئ في فيلم "ديسكو ديسكو" وقالت عنه: "المشهدي الجريء مع عمرو عبد الجليل كنا في رمضان وكنت رافضة أصوره لدرجة دخلت الحمام وفضلوا يخبطوا عليا، كنت مستنية بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت".
وتابعت كلامها: "لما رفضت تصوير مشاهدي الجريئة مع عمرو عبد الجليل، في رمضان قعدت أعيط، وكنت صغيرة وقتها حوالي 17 سنة، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني".
واختتمت: "يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟ قالتلي كده عشان كانت عايزاني أصور المشهد، وقالتلي الموضوع مش محتاج إنك تعطلينا، ومافيش حاجة اسمها رمضان".
