كشف المذيع شريف مدكور عن وضعه لقواعد خاصة بملابس السيدات المحجبات اللواتي يظهرن معه في البرنامج كضيوف شرف، وجاء ذلك بعد الفنان حسين فهمي الذي حدد "دريس كود" للفنانات لحضور مهرجان القاهرة السينمائي.

ونشر مدكور عبر حسابه الشخصي على "فيس بوك" قواعده قائلا: "ابتديت ألاحظ في ضيوف محجبات لابسين طرحة ومغطيين رأسهم ولابسين بادي وهما ممتلئات شوية وكل جسمهم متفصل وبنطلون ضيق جدا وجزمة كعب عالٍ وميك أب كامل".

واستكمل كلامه: "كل واحد حر في لبسه بس دا بالنسبالي مش هيطلع على الشاشة.. فحطيت قواعد ودريس كود معروف أن أي سيدة محجبة هتظهر عندي في البرنامج لازم تكون لابسة فضفاض وألوان مش صاخبة وبنطلون واسع".

وكان الفنان حسين فهمي قد وضع شروط الزي الرسمي التي سيحضر به النجوم مهرجان القاهرة السينمائي في الدورة الـ44،  قائلا: "إحنا مهرجان دولى درجة أولى، ولما جيت المهرجان لقيت إن كل واحد يلبس اللي هو عاوزه، عيب، أنا هلبس كويس والناس تلبس لطيف والنساء تلبس كويس، المسألة تطورت أكثر مما أتخيل الحقيقة".

وتابع كلامه: "المسألة تطورت وبقى وريني يا حبيبتي الفستان طب لفي كده، اسمه إيه الكوافير، مش ده المهرجان، كلنا لازم نبقى لابسين الدريس كود بتاع كل المهرجانات الدولية، الناس هتلبس كويس وهتبقى شيك وهيبان إنه مهرجان قيم جدا".